Marke 8:6 - BII BILA

⁶ O kon mó dimul sɛ́lɔ́ɔ́ le calle lɛŋ. Mó cua bulula ŋɔmmɛwla lan. Ndóò ciiyo balikaa malɔɔ, mó yimiyimi lan, mó yɔngu kaandeŋaa ndɔa lan le piɔwvo.

Marke 8:6 Referans Kwoze

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

Rɔmnda 14:6

Vana co yiyanndo maa palɛi i pum i hiow naŋɔɔ-o, le Maalii bɛɛlen keo o co ndi cɔu lende ni. Vana dia ɲɛ-ɲɛ ka-o bɛɛ, le Maalii ndu co dioo ni, kani o co Hala balikaa mello. Vana di ɲɛ-ɲɛ ka loo bɛɛ, le Maalii o kɛɛ n'pum dioo ni, ndu bɛɛ co Hala balikaa mello.

Nsaŋ 6:23

Kɛ mí dɛ̀ndɛ̀la celen la fula Tiberiade, mí la hun o fonda Maalii ndóò dɔw buloo duaa mí vannda dia-o ikɛi.

Nsaŋ 2:5

Mí kala ndɔ dimul buɛiya aa: «Mɛ̀ɛ́-mɛ̀ɛ́ o dimul niaa pɛ, la tosa lende.»

Luke 24:30

Telen Yeesu cal le dioo nda ndaa-o, mó cua buloo, mó dɔaw duaa, mó yimiyimi ndu, mó yɔngu nda.

Luke 12:37

Dɛnɛ kɛndɔɔ co le vanaa baalaa kan, a vana nda bɛndoo komalnin cumullo telen o hunnin-ndo-a! A toɲa, mì dimul niaa, ndu pila cuɛinunnin volɔɔla valtan, mò kɛsi nda le dioo, mò piɔw nda ɲɛdiaa.

Matie 26:26

Tuma nda va ɲɛdiaa dioo-o, mí Yeesu cua buloo, mó dɔaw ndu duaa, mó yimiyimi ndu, mó yɔngu kaandeŋaa ndɔa, mó dimul nda aa: «La bii mì la de, dialun nun co mun ni.»

1Samiɛl 9:13

La tiiya dɔ́ɔ́ pɛ ciee, la co ndu cɔ. La cua niko kɔlan, mì la suukan a ndu lɔ́ɔ́ pá o hel o fonda-loamaa-lasálàá le ɲɛdiaa dioo. Kani ndu bɛnda ni mo dɔw sálàá duaa lɔ́ɔ́ pá mì vanaa nda veelu-a de ndu.»

Marke 8:5

Mí Yeesu ɲuna nda aa: «Vɛ̀ɛ̀ kpɛ́ niaa nɔ yɛ bululan ndon?» Má muli aa: «La ŋɔmmɛw.»

Marke 8:7

Ndáà nɔ vɛlɛ suvaa pɔmbɔa tiŋ. Yeesu ciiyo duaa dɔvɔɔ, mó dimi vɛlɛ le kan piɔwvo.

Marke 8:20

«Telen ya yimiyimi bulula ŋɔmmɛwlan le vanpiaandua vaala hiɔɔlua-o, vɛ̀ɛ̀ kpɛ́ la bingi-bingila lo lan la va yɛ kambɛilan?» Má dimi aa: «La ŋɔmmɛw!»