Marke 8:11 - BII BILA

¹¹ Mí Faliisia hun, má kandu sɔɛi a Yeesu le ndu kɔlɔɔ solio. Má dimul ndu le kaamaa nda tosallo haliko mi ndu va tɔɔmaseloo le cɔmndo maa o halataala ndu Yeesu fula ni.

Marke 8:11 Referans Kwoze

1Korɛntea 10:9

N tɔɔndàn Mɛlɛka mɛɛ a pum a tɔɔndan ndu yɛ le, mí kɛwva lɔwviaa nda, má vu.

Matie 12:38

O kon mí vanaa sɛvaa latɔŋnda pum a Faliisia cua sɔɛi, má dimi aa: «Kɔɔfa, n yeema ma tosal naa dɛnɛ kaamaa pum, mì n ce.»

Malasi 3:15

Nduyɛ, n co vanaa sondola kalaa cɔu o dɛnɛ kɛndɔɔ nin. Vanaa co kɔlvesɛiyo tosaa-a co dɛnɛ kɛndɔɔ sɔlaa taw. A co Hala tɔɔndanndo, kɛ ɲɛ-ɲɛ vɔɔn co nda yɔŋnɔn te.›

Tɔŋ miingua 6:16

Lelan, la tɔɔndan Mɛlɛka Hala niaa mɛɛ niaa tɔɔndan ndu Massa yɛ le.

Nsaŋ 4:48

Mí Yeesu dimul ndu aa: «Te o co mì la ce dɛnnda kɔndɔfiltan a kaamaalan te, la laalan dɔ́ɔ́ le!»

Luke 11:16

Vanaa celen ndáà yeema le Yeesu kɔlɔɔ solio, o kon má dimul ndu le dɛnɛ kaamaa pum tosaa, o fula o halataala-o.

Fulaa 17:7

Má ke fonda kon diolan aa Masa a Meriba (kon co dimio ni aa «Tɔɔndanndo a Sɔngɔlanndo»), le sɔngɔlan Israɛlla sɔngɔlan Moise-o a le tɔɔndan nda tɔɔndan Mɛlɛka-o. Kani má dimi aa: «Mɛlɛka co pá naa tɛɛn bàà o co naa tɛɛn te?»

Dɛnnda kiilaa 5:9

O kon mí Piɛr dimul ndu aa: «Le yɛɛ nɛ niaa cɛlan yɛ le Hala Kɔl-Diandaa huiyo? Tofa vɔ! Vanaa kumbu pɔnɔ nɔm-nda co o dio nuaa ni. Nɔm bɛɛ a co lakɔ a nɔm.»

Nsaŋ 7:48

La ce nin simlacia vana pilɛ te kon te Faliisia vana pilɛ bɛɛ kpé ndu laalanndo?

Nsaŋ 6:30

Má ɲuna ndu aa: «Ɔ́ɔ̀ dɛnɛ kaamaa n co tosa haliko mi n ce mi n laalan nɔm-ndo? Ɔ́ɔ̀ dɛnɛ n co tosa-o!

Luke 10:25

Mí vana pɛɛkaa latɔŋndo pum can le Yeesu kɔlɔɔ solio, mó ɲuna ndu aa: «Kɔɔfa, yɛɛ ya tosa yɛ́ mì sɔla yoomu fɛɛn-fɛɛndo?»

Marke 12:15

Kɛ Yeesu ndóò sina muuluɔn ndaa. Mó mulul nda aa: «Le yɛɛ niaa co yɛ ya yaŋɔɔlen hendullo? La cuu vɔ ya volii támái, mì tofa.»

Marke 2:16

Vanaa pɛɛkaa latɔŋnda a Faliisia cɔu ndu ɲɛdiaa dioo nda vanaa biyaa mulua a vanaa lahakia latulu, má ɲuna kaandeŋaa ndɔa aa: «Le yɛɛ o co yɛ dioo latulu nda vanaa biyaa mulua a vanaa lahakia?»

Matie 22:23

Paale pilɛle len, mí Sadusea, a va dimio maa vanvílɛ́iya tendulnin te-a, a hun ɲuna Yeesu aa:

Matie 22:18

Kɛ le tùú Yeesu ndóò sina yiyannda ndala vɔɔnndan-ndo, mó muli aa: «Le yɛɛ niaa co yɛ ya yaŋɔɔlen hendullo, niaa vanaa muuluannda ha?

Matie 22:15

Mí Faliisia kɔ yii dúmbóó le nɛilan nuwviaa le Yeesu biyɔɔ o sɔɛi ndɔɛi sondoei nin.

Matie 21:23

Mí Yeesu kɔa o Cɛi-Hala-o nin. O lo pɛɛkoo, mí bolii vanaa-solia-lasálàá a kaasoŋaa kɔlkalua lelɛŋnda hun ɲuna ndu aa: «Nɛ̀ɛ́-nɛ̀ vem yɛ nɔm dɛnndan ndan tosaa? Nɛ̀ɛ́ ke yɛ nɔm di kon?»

Matie 19:3

Mí Faliisia pum sɔɔnguu le ndu kɔlɔɔ solio, má ɲuna ndu aa: «Vɛ̀ɛ̀ o bɛnda pá mì vanapɔnɔɔ kɛɛ laa ndɔ le sɔɛi súú-súù ka?»

Fulaa 17:2

Mí nda kpow a sɔngɔlan Moise, má dimul ndu aa: «La ke naa mɛnndan mì n kol.» Mí Moise ɲuna nda aa: «Le yɛɛ niaa co yɛ ya sɔngɔlanndo? Le yɛɛ niaa co yɛ vɛlɛ Mɛlɛka tiŋɔɔ?»

Nsaŋ 8:6

Le ndu kɔlɔɔ solio nda va dimi kon ni, le mɛɛ ndáà kɔɔsa a ndu o lasondo yɛ. Kɛ mí Yeesu tundun, mó va sɛvaa lɛŋ a isu.

Marke 9:16

Mó ɲuna nda aa: «O yɛɛ coo niaa co yɛ suukanndo niaa ndaa?»