Marke 7:9 - BII BILA

⁹ Mó hiaw laci a nda dimullo aa: «Lekɛ́ndɛi, tɔŋ Hala-o niaa co kɛɔ ni, mì la va kelaa o naamula niaalan coo.

Marke 7:9 Referans Kwoze

Kalatea 2:21

I kɛɛ le kɛndɛi Hala-e kɛɔ. Kani te tɔŋndo siinguu vana vana sandaa ni, mɛɛ fondo fúú koni Krista vi ni.

Esai 24:5

Vanaa va o lɛŋnden coo-a ndáà cii len nɔɔliaa, kani a va tɔŋndan tɛɛmbuuo a silalan laasiaa, a va kpema yiinun le fɛɛn a fɛɛn-ndo tɛɛmbuuo.

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Marke 7:13

Lende niaa co sɔɛi Hala-e faŋaa o fonda ndɔɔ le vannda naamula niaalan pɛɛkoo ni. La co sɔɔn celen tosaa, n co maa mun-ndon.›»

Marke 7:3

Nduyɛ Faliisia a Yuifia kpede, ndáà di ɲɛdiaa lende le, mɛɛ mi ndáà pilu balan ɲɛkɛndɛi, kani lende naamu nda komal fuɲaa ndaa mamaa o ba-o va ni.

Condii lisai 119:126

Telenndo co hoo ni, Mɛlɛka, mà tosa ɲɛ pum le vanaa co tɔŋ nɔmndo tɛɛmbuuo-a.

2Tesalonikea 2:4

Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.

Rɔmnda 3:31

Vɛ̀ɛ̀ mì tɔŋndo ndu tambu niko le laalan naa? O co lende le i co le. Kɛ kon kpeekpei cɔm ɲama ndɔɔ ni.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Marke 7:5

Mí Faliisia a vanaa pɛɛkaa latɔŋnda ɲuna ndu aa: «Le yɛɛ nɛ kaandeŋaa nɔmnda co yɛ kɛɔ kelaa o naamula fuɲaa naa mamaa coo, mà va ɲɛdiaa dioo a bala nɔɔlɛilan?»

2Korɛntea 11:4

Kani vana pum co hunɔɔ o niaa lo, mò hun dimul niaa sɔɛi Yeesu celen, Yeesu o naa n dimul niaa sɔɛi ndɔ loo, mì la cɛl kɔl celen, faŋanndo o kɔl diandaa naa n cɔm niaa-o coo, mì la cɛl yoongu celen, faŋanndo o Yoongu kɛndɛ niaa sɔla naa o ba-o coo. Nduyɛ, la co kon cɛlɔɔ ɲɛkɛndɛi.

Kalatea 1:14

O kaannde yuifia ya va len nden, yáà hiow vanaa bɔɔ-bɔɔ o lambi nuu a o vanaa naa n co súú pilɔɔ-a tɛɛn, kani yáà hiow diallon fulaa le kelaa o naamula fuɲaa naa mamaa coo ni.