Marke 7:7 - BII BILA

⁷ Kaannde fondolen fúú vannda ha co ya tosallo ni, kani kɛɛsuulan a tɔŋnda vanndacieea kínɛí nda co vannda pɛɛkoo ni.›

Marke 7:7 Referans Kwoze

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Matie 15:9

Kaannde fondolen fúú nda co o diola nilan ni, mà pɛɛku vannda sɔɔn nda pila co tosaa-on.›»

Nsaki 1:26

Te vanndo pum co pɛ cɔnnɔnndo maa vana biilaa Hala-o o co ni, kɛ mò bii diɛɛmule ndɔlen te, mò pala kɔl ndɔɔ, mɛɛ kaannde vana kon le connun fúú.

Kolɔsea 2:22

Lan kpow, dɛnnda co hunɔɔ lo o ɲánndávàà le mako vana solin a lan-ndo la co lan ni. Silalan a pɛɛkula vanndacieea la co lan ni.

Matie 6:7

La va pɛ Hala piɛiyo, la kui sɔɔn fondon maa vanaa súúla celennda le. Nda nɔ o lakɔl maa a kui pɛ sɔɔn, a sɔla mulio le lan.

Tite 3:9

Kɛ vow sondoo o sɔɔn idiɔmndon nin te, diola fuɲaa-mamaa dimio o polalen, sɔngɔlan a sɛɛngianndan o tɔŋndo coo. Kani n yɔngù vana tɔnɔ oo tɔnɔ le, n nɛŋì vana ɲɛ-ɲɛ le.

Dɛnnda cɔɔmuanndan 22:18

Ya Nsaŋ, i kanalan vana-vana tuei pɛ sɔɛi Hala dimi hee, mí i sɛvan o sɛbɔɔ ho nin-nde: Te vanndo handu pɛ ɲɛ-ɲɛ lecoo, Hala handunin vana kon dɛnnda palaala sɛvan o sɛbɔɔ ho nin-ndan coo.

1Samiɛl 12:21

Te la mulul pɛ ndu kɔɔ, la co ɲɛ fondoo biilu, ɲɛ nɔla vana mala loo, ɲɛ nɔla vana baŋa loo, kani ɲɛ fondoo piɔmnda co ni.

Nsaki 2:20

Nɔm diɔmndo ho, a yeema lekɛ́ndɛi ma sina maa laalan dɛnndan la co nin too nɛŋi mako le?

Malasi 3:14

Nuaa niaa dimi ni aa: ‹Fondo fúú koni vana tosal Hala baalaa ni. Yɛɛ nɛ naa n sɔla yɛ o tɔŋ ndɔɔ biyɔɔ nin, mí n va kafola imɔnɔlan tosaa, haliko mi Mɛlɛka-Nɔ-Kpaayaa-Kpow-vo tuinun naa iɲíí?

1Korɛntea 15:14

Nduyɛ te Krista tendul-lɛ le, mɛɛ pɛɛkuu fondoo fúú naa n co niaa ni, mɛɛ laalan niaa bɛɛ connun fúú.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.