Marke 7:2 - BII BILA

² Má ca kaandeŋaa Yeesu-a pum ɲɛdiaa dioo, aa pilu laba le.

Marke 7:2 Referans Kwoze

Dɛnnda kiilaa 10:28

Mó dimul nda aa: «La sinà maa Yuifinɔɔ bɛnda mò sɔɔnguu vana co Yuifinɔ loo ikɛi, te kon te mò luɛi o ndu lo le. Kɛ, Hala cɔm ya maa i bɛnda mì ce vana-vana o nɔɔlɛi, te kon te o dindu ndu Mɛlɛka o hɔl too le.

Rɔmnda 14:14

I laalan maa te vanndo va pɛ o Maalii Yeesu nin, ɲɛ-ɲɛ co o nɔɔlɛi ndu o hɔl te. Kɛ te vana pum yiyan pɛ maa ɲɔɔ pum co o nɔɔlɛiyo, mɛɛ le ndu pila ɲɛ kon co o nɔɔlɛiyo ni.

Dɛnnda kiilaa 11:8

Kɛ mí muli aa: ‹Ɛ-ɛ Maalii, kani kabi bɛɛ ɲɛ tana, te kon te ɲɛ co o nɔɔlɛi Mɛlɛka o hɔl-lo luei-yɔ ya o sondo le.›

Matie 15:2

«Le kɔlɔ yɛɛ kaandeŋaa nɔmnda co yɛ naamula fuɲaa naa mamaa tɛɛmbuuo? Kani a pulù balan le ɲɛdiaa dioo mɛɛ naamu naa co yɛ le.»

Marke 7:5

Mí Faliisia a vanaa pɛɛkaa latɔŋnda ɲuna ndu aa: «Le yɛɛ nɛ kaandeŋaa nɔmnda co yɛ kɛɔ kelaa o naamula fuɲaa naa mamaa coo, mà va ɲɛdiaa dioo a bala nɔɔlɛilan?»

Luke 11:38

Kɛ mɛɛ Faliisinɔɔ ce Yeesu dioo, o pilu balan lɔ́ɔ́ pá mo de le, mí kɔndɔfillo bii ndu.

Hebreea 10:29

Vɛ̀ɛ̀ kpeekpei ɲɔɔ va yɛnin niko le vana pɛɛsa sɔɛi Po Hala-o-a? Vana cì kooma Yeesu baŋa ndu a hakio-an ɲɛ-ɲɛ loo pɛɛn? Hala Kɔl-Diandaa cɔm naa kɛndɛi Hala-e-o o pilan tana lende ni.

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.