Marke 6:3 - BII BILA

³ O co langbanɔɔ cua hoo yindɔlan-ndo le? O co po Mari-o le, bɛndoo Nsaki, Yosɛf, Yude a Simɔn pɛɛn? O co yemaa ndɔa le co naa haa tɛɛn nanu le?» Mí ken yɔŋnun pow boŋaa le nda.

Marke 6:3 Referans Kwoze

Matie 12:46

Yeesu va vɔ sɔɛi o sɛ́lɔ́ɔ́ lo, mí kala ndɔ a pɔmbɔa ndɔa hun sim o dio. Ndáà yeema le ndu cɔu.

Nsaŋ 6:42

Má va dimio aa: «O co macoaa ndu le co Yeesu po Yosɛf-o le? N sina masinaa fuɲa ndɔ a kala ndɔ le? Kɛ le yɛɛ o co yɛɛ naa niko dimullo maa o halataala o fula ni?»

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

Kalatea 1:19

Kɛ o kiilaa tɔ̀a kpow nin, i ci vana-vana celen faŋanndo Nsaki, pɔmbɔɔ Maalii kɔɔli le.

Matie 11:6

Dɛnɛ kɛndɔɔ co le vana kon, o delnin o lapɔw nin le dɛnɛ nuu loo.»

Dɛnnda kiilaa 1:13

Ndáà muungoo Yerusalɛm, má kɔ luɛi o cɛi-lenin va o cɛi coocoo pum nin-ndo nin, nɛɛ ndáà bɔɔŋian lɔ́ɔ́-lɔ́ɔ̀-a. Nda yɔŋnun haa ni: Piɛr, Nsaŋ, Nsaki, Andre, Filipe, Tomas, Bartelemi, Matie, Nsaki po Alfee-o, Simɔn vana cɔlɔba le lɛŋnde ndɔlen baŋaa-o a Yude po Nsaki-o.

Marke 15:40

Vanlaandua pum bɛɛ va isisi tofaa kɔɔli-kɔɔli lándán, Mari fula Makdala-o a Mari velu Nsaki pɔmbɔ, Yose a Salome-o.

1Korɛntea 1:23

Naa naa, sɔɛi Krista nda baŋ o yɔm singafilaa coo-e naa n co vannda tiiyallo ni, sɔɛi co tosaa mì Yuifia va luɛyɔɔ o pɔwlan nin, mì i va diɔmnde le vanaa sínà Hala le-a-e pɛɛn.

Nsaŋ 14:22

Mí Yuda (o co Iskariɔt le) ɲuna ndu aa: «Maalii, le yɛɛ n co yɛ mɛi ceendo cɔmnɔnndo mà cɔmnun naa?»

Luke 7:23

Dɛnɛ kɛndɔɔ co le vana melnin laalan ndɔɔ le ya loo.»

Luke 2:34

Mí Simeɔn dɔaw nda duaa, mó dimul kala ndɔ Mari aa: «Poo ho tosanin mì vanaa bɔɔ-bɔɔ del, te kon te mì a bɔɔ-bɔɔ cɛn o lɛŋnde Israɛl-ten nin. Kɛ vannda kɛɛnin ndu,

Esai 49:7

Mɛlɛka, vana baŋaa a O-Diandaa Israɛlla soo o vanaa nda pɛɛsa má ca nda ɲɛ fondoo-a lo, vanaa co cɛa vanaa kpaayaa-a pɛɛn, mó dimul nda aa: «Masaa canin niaa ma cɛn isisi, cuavaa lemasaa canin niaa ma baŋ vulan, le Mɛlɛka biiloo, o lo o lediom coo-o, le O-Diandaa Israɛlla, o hɛli niaa-o biiloo.

1Piɛr 2:4

La sɔɔnguu ndu o ibuŋ, ndu pow kiyɛiyo, o vanndacieea viow-vo, kɛ mí Hala ca ndu ɲɛ sɔvɛ bɛndu, mó hɛli ndu.

1Korɛntea 9:4

Vɛ̀ɛ̀ i nɔ dí mì sɔla baloo, mì kol te?

Marke 3:18

Andre, Filipe, Bartelemi, Matie, Tomas, Nsaki po Alfee-o, Tadee, Simɔn langbanɔ yeema lɛŋnde ndɔlen-ndo,

Dɛnnda kiilaa 12:17

Mí Piɛr kpaa nda a ba, mó dɔwnun nda kona mɛɛ Mɛlɛka looku ndu soli o kaasoo yɛ. Mó dimul nda vɛlɛ aa: «La dimul Nsaki a puapilɛa tɔ̀a.» O kon kɔɔli, mó bii nɛiyo, mó kɔannun nɛɛ celen.

Luke 8:20

Má dimul ndu aa: «Kala nɔm a puapilɛa nɔmnda co o dio, a yeema mà ce nɔm.»