Marke 4:6 - BII BILA

⁶ Kɛ mɛɛ paalen le fula, mí le lɔaa mun, mí n vesa, kani puundun ve le.

Marke 4:6 Referans Kwoze

Nsaki 1:11

Kani paalen le fula pɛ, hangul tuw-tuwvo nin, billo simbulun. Fúlan la deli, naŋɔɔ ndɔɔ tambu. Lende koni vana bolofaa bɛɛ hiawnin a dɛnnda ndɔlan ni.

Dɛnnda cɔɔmuanndan 7:16

Yima nɛi lɛnin nda le, kolɔɔ bii lɛnin nda le, paale loo lɛnin nda le, kùlúkúlù ve lɛnin nda le.

Yude 1:12

Nda kpeekpei co niaa palaa le ɲɛdiaa diom pilɛ niaa dioo ni, le dio lepulu nda dia-o, siɛmbula bii nda le, a nda pila koni nda buulan ni. Mɛɛ piɔɔ hel nuaa mì hoeiye hɔŋ, mò hiow o se le yɛ nda co ni. A co ko vɛlɛ kpen maa yɔm kɛɛ le komɔɔ hali a telen koamaa-o, ma va vɛlɛ a vílɛ́i maa yɔm nda sungu-o.

2Tesalonikea 2:10

O hunnin a dɛɛniaala súú-súù fee, mò luei vanaa vanin o lou nin-nda o pɔwlan nin a o dɛnɛ sandaa lepɛŋndo nin, kani a cɛ́l kaola toɲaa mà sɔla cindaa le.

Kolɔsea 2:7

La sim mì la luei puundon o ndu nin, mì la tangul yoomu niaa o ndu coo maa mɛɛ niaa sɔla pɛɛkoo yɛ, mì la va vanaa sinaa ikɛndɛa taw.

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

Yonas 4:8

Paalen kaloo, mí Hala soli hoeyii vesɛiye a kpengii paalen le can-nde. Mí paalen le tuulu Yonas bollen, mí hɔlla hiŋ ndu, mó yeema piɔ́mndo, mó dimi aa: «Piɔ́mndo co fisa le ya a yoomoo.»

Esai 25:4

Kani nɔm yɔŋnun nɛɛ viannannda le vanaa nɔ mayoomu le-a ni. Nɔm yɔŋnun nɛɛ viannannda le vanaa bala fondoa va o mɔnɛi nin-nda ni. Nɔm yɔŋnun nɛɛ viannannda le hoeyii fùkù-fùkùi va hɔŋndo-e ni, nɔm yɔŋnun vunduan le hangul lepalaa vionnɔnndo ni. Bau hoeyii kɔltuvii fula vanaa kɔlvesɛiya o milin-nde, maa hoeyii fùkù-fùkùi co kundɔnndo o kpakio-e i co ni,

Condii kɛndɛ-kɛndɛi 1:6

La tófà yáw ni tiŋio le, paalen le piimiaa ya ni. Mɛɛ yemaa nia tuulu kɔl a ya, má siinguu ya vana mandaa lanakɔ n'rɛsɛnndo, nakɔ n'rɛsɛn ni ya pilaa niko, i manda lɛ kon te.

Matie 13:6

Kɛ mɛɛ paalen le fula, mí n ɲɔfɔliaa, mí n vesa, kani puundun ve le.

Marke 4:5

Mí n tiŋ deli o vɔsɔkɔɔ nin nɛɛ lɛŋnde ve taw le-a. Mí n keleŋa vulɔɔ, kani puulu bɔɔ ve lon te.

Marke 4:7

Mí n tiŋ deli o yɔɔn nin, mí yɔɔn hindu, mí n mial mun, n kum te.