Marke 2:8 - BII BILA

⁸ Fɔ́ɔ́fɔ̀, mí Yeesu sina dɔ́ɔ́ yiyan ndaa. Mó dimul nda aa: «Le yɛɛ niaa co yɛ yiyanndo o kɔlta niaalan nin lende?

Marke 2:8 Referans Kwoze

Dɛnnda kiilaa 8:22

Lelan, mal yiyan vɔɔn n nɔ hoo-o, mà piɛi Mɛlɛka, o kon te o nɔla pɛ tosan, mò mal nɔm haki le yiyan n sɔla ho o kɔl-lo.

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Nsaŋ 6:64

Kɛ vanaa pum a co niaa tɛɛn, a laalan te.» Kani o kandɔɔ pɔ́, Yeesu ndóò sina vanaa laalan te-a a vana óò malnin ndu vannda o ba-o.

Luke 24:38

Kɛ mí Yeesu ɲuna nda aa: «Le yɛɛ niaa co yɛ buulanndo? Le yɛɛ niaa co yɛ sikaa o kɔlta niaalan nin?

Luke 6:8

Kɛ mɛɛ o sina yiyannda ndala lan, mó dimul vana ba vílɛ́i kon aa: «Cɔn ma sim vannda kpow o hɔl nanu.» Mí langbanɔɔ can, mó sim.

Luke 5:22

Yeesu sinaa yiyannda ndalan, mó cua sɔɛi, mó ɲuna nda aa: «Le yɛɛ niaa co yɛ yiyanndo o kɔlta niaalan nin lende?

Matie 9:4

Yeesu ndóò sina nin yiyan ndaa, mó ɲuna nda aa: «Le yɛɛ niaa nɔ yɛ yiyannda vɔɔnndan o lakɔl?

Esekiɛl 38:10

Nuaa Maalii, o co Mɛlɛka-o dimi ni aa: «Paale len, yiyannda vɔɔnndan la luɛinin nɔm o kɔl, mà tuu le dɛnɛ vɔɔndo tosaa.

Condii lisai 139:2

A sinà telen ya cal-lo, a sinà vɛlɛ telen ya can-ndo, a lo levil pɔɔli, mà sinà yiyan nuu.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Marke 7:21

Kani vanacieo nin, o kɔlta vanndacieea nin yiyannda vɔɔnndan la fula ni: sɔɔn lasiɛmbon, vuilen, vannda diwvo,

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

Talelan 24:9

Tuula diɔm sondo vesɛiyo, le dɛnɛ vɔɔndo tosaa daama la co ni. Vana mam vannda-o nɛinun bɔɔ vannda.

Talelan 15:26

Tuula vɔɔnndan la nɛinun Mɛlɛka, kɛ sɔɔn sondon kɛndɔn co n'diandaa ni.

1Dɛnnda lemasalan 29:17

Éé Hala nuu! I sina maa o kɔltan nin di n tofa vana ni, a yeema vɛlɛ dɛnɛ sandaa. Nduyɛ, a kɔl ni sandaa ya yɔngu nɔm ɲɛm-kéan mun kpow ni. I co nihau cɔu mɛɛ vanaa nɔmaa co haa nanu-a co nɔm ɲɛm-kéan yɔngoo a ɲaaloo yɛ.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Matie 12:15

Kɛ Yeesu tueyɔɔ lende, mó faŋan ndon. Mí sɛ́lɛ́ bɛndoo del ndu kɔɔli, mó singi vanaa lanàá kpow,

Matie 16:7

Mí kaandennda can sɔɛi nda pila tɛɛn aa: «Le bulu naa n cue loo o co dimio nuaa ni.»

Marke 2:7

«Le yɛɛ langbanɔɔ ho co yɛ sɔɛi nuaa? Sɔɔn tanan o co dimio a Hala nuaa ni. Nɛ̀ɛ́ nɔla yɛ vana hakilan malɔɔ, te o co Hala ndu pilɛ kpé le?»

Marke 2:9

Vana falun vílɛ́iyo dimullo aa: ‹Hakila nɔmndan la malnun haki›, a ndu dimullo aa: ‹Cɔn, cua ɲɛ nɔm hinia mà kɔɛnnun›, ɔ́ɔ̀ o hiow va bɛɛn-bɛɛn ndo?