Marke 2:16 - BII BILA

¹⁶ Vanaa pɛɛkaa latɔŋnda a Faliisia cɔu ndu ɲɛdiaa dioo nda vanaa biyaa mulua a vanaa lahakia latulu, má ɲuna kaandeŋaa ndɔa aa: «Le yɛɛ o co yɛ dioo latulu nda vanaa biyaa mulua a vanaa lahakia?»

Marke 2:16 Referans Kwoze

Luke 19:10

Kani Po vanacieo hin le vanaa va o lou nin-nda nuwviaa, mò ciindiaa nda.»

Luke 18:11

Mí Faliisinɔɔ sim, mó piɛi Hala o kɔl nin aa: ‹Hala, i mel nɔm balika, kani i co maa vanaa tɔ̀a le, vuiya, vanaa yɔŋ vɔɔnda a vanaa suundaa pɛɛn. I co vɛlɛ maa vana biyaa muloo hoo le.

1Korɛntea 2:15

Vana Hala Kɔl-Diandaa co nin-ndo nɔla mò kelu dɛnndan kpow iyama, kɛ vana celen nɔla mò kelu ndu iyama le.

Dɛnnda kiilaa 23:9

Mí vannda cɔɔlu yonda taw, kɛ mí vanaa pɛɛkaa latɔŋnda pum, a va o kunda Faliisia coo-a can, má sɛɛngiaa, má dimi aa: «N ci ɲɛ-ɲɛ langbanɔɔ ho o tɛɛmbuu le. Bɔɔle ɲinaa, te kon te mɛlɛkanɔɔ soo o ndu lo nuaa ni.»

Luke 19:7

Vannda kpow ndáà cɔu lende, má va sɔɔn pɔmbɔn dimio aa: «Tofa vɔ, o kɔɛ o yiya o vana lahakio lo cɛinin.»

Esai 65:5

a co dimio aa: «Nannun ndon polon, sɔɔnguu ya ikɛi le, kani (taa pilan pɛ ya), a siŋnun o diandaa siŋnun teengen-ndo». Kon kpede kumnde o co ya o milin ni, yinnde co niinoo sandei kpɛŋ nden o co ni.

Hebreea 12:3

La yiyan ndɔ, mí vanaa lahakia simul ndu. Kɛ mó biwnun. Lelan, la vu n'dial te.

Marke 2:7

«Le yɛɛ langbanɔɔ ho co yɛ sɔɛi nuaa? Sɔɔn tanan o co dimio a Hala nuaa ni. Nɛ̀ɛ́ nɔla yɛ vana hakilan malɔɔ, te o co Hala ndu pilɛ kpé le?»

Matie 18:17

Te o kɛɛ pɛ le nda nilan yaŋɔɔ, a cɔm kunda vanaa laalannda sɔɛi kalɛi, te o kɛɛ nin pɛ kunda vanaa laalannda diom, mɛɛ cɔ ndu maa vana-mangalaa-isɔɔ celen, maa vana biyaa mulu.

Matie 9:11

Faliisia cɔu lende, má ɲuna kaandeŋaa Yeesu-a aa: «Le yɛɛ vana niaa bɛndoo co yɛ dioo nda vanaa biyaa mulua a vanaa lahakia latulu?»

Matie 5:46

Kani te la kaola pɛ vanaa kaola niaa-a daama, vɔ̀ngɔ̀ yɛɛ nɛ niaa sɔ̀là yɛnin o kon? Vɛ̀ɛ̀ o co lende le vanaa biyaa mulua bɛɛ tosa le?

Marke 2:15

Yeesu calle ɲɛdiaa dioo o Levii lo cɛinin, mí vanaa biyaa mulua a vanaa lahakia kɔ cal ndu ikɛi nda kaandeŋaa ndɔa, kani vanaa va ndu kɔɔli-a a va taw.

Luke 5:30

Mí Faliisia a vanaa ndaa pɛɛkaa latɔŋnda soaa sɔɔn pɔmbɔn, má ɲuna kadeŋaa ndɔa aa: «Le kɔlɔ yɛɛ niaa co yɛ dioo mì la va kolɔɔ niaa vanaa biyaa mulua a vanaa lahakia latulu?»