Marke 2:13 - BII BILA

¹³ Mí Yeesu fula vɛlɛ, mó kɔa o mɛmma ihɛllan kɔngɔ. Mí sɛ́lɔ́ɔ́ va ndu hunɔɔ kɔɔli, mó va nda pɛɛkoo.

Marke 2:13 Referans Kwoze

Marke 4:1

Mí Yeesu kandu vɛlɛ vannda pɛɛkoo o dalaa kɔngɔ. Mí sɛ́lɛ́ bɛndoo cuungian ndu ikɛi, fɔ mó luɛi, mó cal o dɛ̀ndɔ̀ɔ́ nin, mó nannun tiŋ o mɛnndan tɛɛn. Vannda va icali lɛŋ o dalaa kɔngɔ.

Luke 21:38

Paalen léè sɛ dɔ́ɔ́ pɛ, vannda kpow ndáà hin le ndu nilan yaŋɔɔ o Cɛi-Hala-o nin.

Luke 19:48

Kɛ ndáà sina mɛɛ nda tosa le, kani vannda kpow a va ndu nilan yaŋɔɔ ɲɛkɛndɛi.

Marke 2:2

Mí sɛ́lɛ́ bɛndoo kɔ pia lon ca, fonda kɛ́-kɛ̀ ve lɛ hali o dio le. O va sɔɛi o nda lo.

Marke 1:45

Kɛ langbanɔ kon fulaa dɔ́ɔ́, mó kandu ndi keelaa a yondaa le vannda ndi dimullo. Le kɔlɔ kon, Yeesu ndóò nɔla lɛ luɛyɔɔ o kobi oo kobi nin te, fɔ o vionnɔnndo nin. O cieon kɔɔli, o lɛŋnde veselɛilen nin ndóò lo nin ni, mì vannda ndáà fula nɛɛ-nɛɛ ka le kɔlan o ndu lo.

Matie 13:1

Paale len, mí Yeesu fula cɛinin, mó kɔ cal o dalaa kɔngɔ.

Matie 9:9

Mɛɛ Yeesu faŋan ndon, mó kɔa lándán, mó ca langbanɔɔ pum icali o cɛi biyaa muloo nin, diolan ndu Matie. Mó dimul ndu aa: «Del-la kɔɔli!» Mí Matie can, mó kɔa ndu kɔɔli.

Marke 10:1

Mí Yeesu bii nɛiyo le kɔlan a ba Yuda-o, a Yurdɛn peo leeloo. Mí sɛ́lɔ́ɔ́ cuungian vɛlɛ nɛɛ o va-a, maa mɛɛ o dema tosa yɛ, mó kandu nda vɛlɛ pɛɛkoo.