Marke 2:12 - BII BILA

¹² Fɔ́ɔ́fɔ̀, mó can vannda kpow o hɔl, mó cua ɲɛ ndɔ hinia, mó fulan. Mí kɔndɔfili bɛndoo bii nda, má biilu Hala a dimio aa: «Kabi bɛɛ, n ci vɔ dɛnɛ vaa nuaa le.»

Marke 2:12 Referans Kwoze

Matie 9:33

Mó toaw ɲinaa, mí bobonɔ kalaa soaa. Mí kaamaa bɛndoo bii sɛ́lɛ́ va lon-ndo, má dimi aa: «Kabi bɛɛ n ci dɛnɛ vaa nuaa Israɛl te.»

Matie 9:8

Sɛ́lɛ́ va lon-ndo cɔu dɛnɛ kon, mí siòònde bii nda, má biilu Hala le vanndacieea kpaaya vaa lende yɔngoo.

Luke 7:16

Mí siòònde bii vannda kpow, má mel Hala balika, má dimi aa: «Vana-tɛɛngaa-diom Hala kaamaa hin o naa lo», má dimi vɛlɛ aa: «Hala hin vanaa ndɔa mala!»

Dɛnnda kiilaa 4:21

O kon, mí simlacia kialaa iyamaa lelɛŋnda kɔngɔlan nda vɛlɛ, o kon kɔɔli, má mal nda. A ci nɛi oo nɛi nda tuisi nda sangaa coo le. Kani vannda kpow a va Hala candɔɔ le dɛnɛ oo tosan kon-ndo.

Nsaŋ 9:32

Lepilɛ bɛɛ n tui-yɔ maa vanndo kumbi vana velun o sumɛiyo-o hɔltan te.

Nsaŋ 7:31

Mí vanaa bɔɔ-bɔɔ o sɛ́lɔ́ɔ́ tɛɛn a laalan ndu, ma va ɲunanndo aa: «Hunɔɔ Krista co-o, o tosanin pá dɛnnda kaamaalan mò hiow langbanɔɔ ho?»

Luke 17:15

Vana pilɛ va nda tɛɛn, Samarinɔɔ o va ni. Mɛɛ o saalun maa o sengu, mó muungu pila nɛɛ Yeesu va-a a Hala balikaa mello coocoo. Mó kɔ del o kuumbuan Yeesu o labɛngunin, mó mel ndu balika.

Luke 13:13

Mó handu ndu balan coo. Fɔ́ɔ́fɔ̀, mí vuɛɛndo sim sakpo, mó va Hala sangalaa.

Luke 5:26

O kon mí kɔndɔfillo bii vannda kpow, má candu Hala. Mí siòònde bii nda taw, má dimi aa: «N ce hau dɛnnda naa n dema cɔ le lan.»

Marke 1:27

Mí siòònde bii nda kpow, má muungu ɲuunianndo aa: «Dɛnɛ yɛɛ co yɛ hoo? Pɛɛku sɛnɛi celen co vɛlɛ hoo ni, o nɔ bɔɔ kpaayaa. Hali ɲinaa vɔɔnda, langbanɔɔ ho co nda deŋullo mà va sɔɛi ndɔɛi biyɔɔ.»

Matie 15:31

Lɔ́ɔ́ sɛ́lɛ́ bɛndu kon ce boboa sɔɛi, vanaa falun vílɛ́iya siongɔɔ, namtaa kɔlan sakpo a vanaa sumɛiya cɔu-vo, mí kɔndɔfili bɛndoo bii nda, má candu Hala Israɛlla.

Matie 12:23

Mí kɔndɔfili bɛndoo bii sɛ́lɛ́ va lon-ndo, má va dimio aa: «O co po David-o le co hoo le?»

Marke 2:11

«Cɔn, cua ɲɛ nɔm hinia, mà kɔɛnnun o nɔm ndo cɛinin.»