Marke 16:10 - BII BILA

¹⁰ Mí Mari kon kɔ dimul vanaa va ndu Yeesu kɔɔli, má va caŋndo le vu ndɔɔ-a sɔɛi ken.

Marke 16:10 Referans Kwoze

Nsaŋ 20:18

O kon mí Mari fula Makdala-o kɔa o kaandennda lo, mó kɔ dimul nda aa: «I ce Maalii!» O kon mó dimul nda sɔɔn o dimul ndu-on.

Nsaŋ 16:6

Kɛ le mɛɛ ya dimul niaa lende yɛ kɔlta niaalan la co o sangaa nin ni.

Luke 24:17

Mí Yeesu ɲuna nda aa: «O sɔɛi yɛɛ coo niaa co yɛ kɔlan a suukanndo ho?» Má sim, mí mɔnɛi bii nda.

Marke 14:72

Fɔ́ɔ́fɔ̀, mí kongillo koova vɛlɛ o diinndɔɔ. O kon, mí Piɛr yiyan sɔɛi Yeesu ndóò dimul ndu-e maa: «Lɔ́ɔ́ pá kongillo koova lediin, a vuununnin leyáá maa a sina ya le.» O kon mó caŋ.

Matie 9:15

Mí Yeesu mulul nda aa: «Mialaa hin vana yil lanɔɔ sɛnɛi-yo o bɛngu coo-a nɔla pá mà yii hɔlla, te vana yil kon lanɔɔ sɛnɛi-yo co vɔ pɛ nda tɛɛn? Telen vanin mà faŋa ndu nda tɛɛn, o kon nda biinin sumndo ni.

Matie 24:30

O kon tɔɔmasele Po vanacieo fulanin o halataala. Vannda súúlan kpow o lɛŋnden coo a somisominnin, mà ce Po vanacieo hunɔɔ o yumbuyumboo nin cɔnɔnndo o halataalaa a kpaaya bɛndoo a á biilu bɛndoo.

Matie 19:22

Kɛ langbanɔɔ tueyɔɔ sɔɛi ken, mó kɔannun a suumaa, kani bolofaa pila ndóò nɔ ni.