Marke 13:9 - BII BILA

⁹ La caa le niaa pila. A kɔanin a niaa o fondala kialaa n'yamalan, mà lɔɔ niaa o cɛila lekaanndan nin. A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl.

Marke 13:9 Referans Kwoze

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Marke 13:5

Mí Yeesu can nda dimullo aa: «La caa dɛ, yɔŋii vana luei niaa o pɔwlan nin.

Dɛnnda cɔɔmuanndan 2:13

I sina nɛɛ calta nɔmndan la co-a, nɛɛ kpɛŋɛ lemasa Setana-o co-a pɛɛn. Kɛ ma lo o yiinanndo a ya ɲɛkɛndɛi. A mel laalan n laalan ya-o le, hali o palɛi Antipas-e, sei lo o lediom coo a ya-o, o nda dii o niaa lo-o, nɛɛ Setana co-a.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

2Tesalonikea 1:5

Tɔɔmasele kon cɔm ni maa yamɛi Hala-e sandu, kani biwnɔn niaa co kon-ndo tosanin ni mì la siŋnun vanaa bɛnda le luɛyɔɔ o masale Hala len nin-nda, masale niaa co leen sangaa sɔlaa kɔɔli len pɛɛn.

Filipea 1:29

Kani kɛndɛi tosalan niaa-e, o co ko le Krista laalanndo daama le, kɛ le sangaa vɛlɛ le ndu.

Dɛnnda kiilaa 21:11

Mó hun nɛɛ naa n va-a, mó cua yaule Pol-ten, mó yiwnun balan a pelon, mó dimi aa: «Hala Kɔl-Diandaa dimi maa nuaa Yuifia co vana nɔ yáwlen-nden ndo yii Yerusalɛm ni. O kon kɔɔli, a malnin ndu vanaa sina Hala le-a o ba.»

Dɛnnda kiilaa 9:16

Ya pila cɔmnin ndu sanga kɛ́-kɛ̀ o co hunɔɔ sɔla o diola nilan.»

Dɛnnda kiilaa 7:54

Mɛɛ vanaa kialaa n'yamaa lelɛŋnda tuei diomndan ndan, mí ɲɔɔ pala nda taw, má va ciŋndon sɔmndo le ndu.

Nsaŋ 15:20

La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi.

Luke 9:5

Nɛɛ-nɛɛ vannda cɛl niaa le, la va pɛ faŋanndo o kobi ndaa nin, la koŋ cundu vanin niaa o n'pelu-o, cundu kon vanin seilen le nda ni.»

Marke 6:11

Nɛɛ niaa kɔɛ pɛ mì vannda cɛl niaa le, te kon te mà yeŋ niaa lani le, la va pɛ faŋanndo lon, la koŋ cundu vanin niaa o n'pelu-o, cundu kon vanin lesei le nda.»

Marke 1:44

«Caa dɛ! Dimul vana-vana ndi le, kɛ kɔ cɔmnun vanaa-solia-lasálàá, mà tosa ɲɛ Moise sɛva le vana co maa nɔm-ndo dindio-o, haliko mi ken va seilen le nda.»

Matie 5:22

Kɛ ya, i co niaa dimul: vana-vana tuulu pɛ kɔl a puapilɛ ndɔɔ, a kiolu ndu iyama. Vana dimul pɛ puapilɛ ndɔɔ aa: ‹A kindu kɔl te›, vanaa bɛndua kialu yaman lelɛŋndon-nda bɛnda mà cal o sɔɛi ndɔɛi coo. Vana dimul pɛ puapilɛ ndɔɔ aa: ‹Diɔmndo n co ni›, ndu bɛnda mò kɔɛ o ɲánndávàà.

Marke 13:8

Vanaa-mangalaa-isɔɔa cannin vanaa-mangalaa-isɔɔa celen cɔlɔba, mì masalen le cɛn masale celen cɔlɔba. Lɛŋnden le ɲiiyanin o fondalan lapum, mì yima fofolan ma luɛi o fondalan lapum. Kon kpow vanin-ndɔ ko mɛɛ pulii vialɛi kandu vanalanɔɔ nɛiyo nuaa yɛ.

2Nsaŋ 1:8

La pɔɛɛnun a niaa pila le, yɔŋii baala niaa yɔŋnun fúú, kɛ mì la sɔla vɔ̀ngɔ̀ niaa mɛɛ o bɛnda yɛ.