Marke 13:8 - BII BILA

⁸ Vanaa-mangalaa-isɔɔa cannin vanaa-mangalaa-isɔɔa celen cɔlɔba, mì masalen le cɛn masale celen cɔlɔba. Lɛŋnden le ɲiiyanin o fondalan lapum, mì yima fofolan ma luɛi o fondalan lapum. Kon kpow vanin-ndɔ ko mɛɛ pulii vialɛi kandu vanalanɔɔ nɛiyo nuaa yɛ.

Marke 13:8 Referans Kwoze

Matie 24:8

Kɛ kon kpow vanin-ndɔ ko mɛɛ pulii vialɛi kandu vanalanɔɔ nɛiyo nuaa yɛ.

Esai 37:3

Mɛɛ nda tiiya, má dimul Esai aa: «Nuaa Esekia soo ni aa paalen nden, paale imɔnɔlen, paale sangaalen a paale lasiɛmbulen le co ni, kani cɛlɛkpɛa lendea co o folilan nin-nda tiiya o cóltan le volɔnndo, kɛ kalaa ndaa nɔ yoomuma vialaa le.

Condii lisai 48:6

Ndáà cɔu dɔ́ɔ́ Mɛlɛka, má dɔawnun kɔndɔfili, mí siòònde bii nda, má piɔl.

Dɛnnda cɔɔmuanndan 6:4

O kon mí so celen fula, kɔɔlen le va ndu le siaŋa maa leyin. Mí dio kennun vana va lecoo-o le kɔlɲuloo faŋaa o lɛŋnden coo, haliko mi vanndacieea diuvan vellaa-velle, o kon mí mɔɛi cɔvii bɛnduei pum kennun ndu.

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Dɛnnda kiilaa 11:28

Mí vana pilɛ o nda tɛɛn, diolan Akabus, o can a kpaaya Hala Kɔl-Diandaa, mó dimul vannda siɔdii lacio maa yima fofolan ma va hunɔɔ luɛyɔɔ fɔ́ɔ́fɔ̀, o ceendo ho coo kpede. (Telen Klode va masalen tosaa-o dɛnɛ kon yɔŋnun ni.)

Sakari 14:13

O palɛi ken nin, Mɛlɛka hiiluunin nda vokuu-vokuu, a biyannin a sɔngɔɔ vellaa-velle, mì vana-vana del vana nda cɛɛlan-ndo coo.

Aasee 2:22

I co kpɛŋɛla lemasala masaa kombiaa, mì tɛɛmbuu kpaaya masɛi vanaa-mangalaa-isɔɔa, mì yɔl ɲɛla ɲaanannda ndala soa nan-ndan a vanaa ɲaanun lan-nda. Soa a vanaa ɲaanun o soa coo-a viawnunnin lɛŋ. Vana-vana delnin o mɔɛi cɔvii puapilɛ ndɔɔ bɛngu.

Yeremi 50:43

Masaa Babilɔn tueyɔɔ sɔɛi ken, mó vu diallon, mó buulan maa vanalanɔ demboo co nɛiyo le violɔɔ-o.

Yeremi 49:24

Vannda Damas a vi diallon má mulin le kiltan. Siòòŋii bɛnduei bii nda. A luɛi o buulanndo a o dɛnɛ palaa nin, mɛɛ vanalanɔɔ sanga o violɔɔ nuaa yɛ.

Yeremi 25:32

Mɛlɛka-Nɔ-Kpaayaa-Kpow-vo dimi aa: «Dɛnɛ palaa cannin o lɛŋnden nden mò taŋ o lɛŋnden lepilɛlen, mò tala-tala, hoeyii piɔɔ bɛnduei cannin o lɛŋnden mɛɛlulan.»

Yeremi 22:23

A connun icali yili o ba nɔmndo coo Liban, má tangul vɛɛnnde nɔmnden o yɔmii sɛɛdrei tullo. Kɛ a ŋɔnganin telen ɲɛ nɛyaa voolunin nɔm-ndo, telen n vanin sangaa maa vanalanɔ co violɔɔ-o.»

Yeremi 13:21

Yɛɛ n dimi yɛnin telen vanaa niaa dɛli-a cannin mà simul nɔm le nɔm kpaayaa sɔlaa coo-o? A sanganin mɛɛ vanalanɔɔ sanga o violɔɔ nuaa yɛ.

Yeremi 6:24

«Naa n tueyɔɔ nda diom, mí diallon vu naa. Mí n buulan taw-taw, mí n sanga mɛɛ vanalanɔɔ sanga o violɔɔ yɛ.

Esai 19:2

I co sɔngɔɔ malɔɔ Esiptea tɛɛn, mà simulan vellaa-velle, vanndo cɔlɔbanin nda puapilɛ ndɔɔ, vanndo cɔlɔbanin nda caan ndɔ, kobio cɔlɔbanin kobio, masalen le cɔlɔbanin masalen.

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»

2Dɛnnda lemasalan 15:6

Vanaa-mangalaa-isɔɔa va diuvanndo vellaa-velle. Kobilan la va delnanndo coo vella-velle a cɔwvo, kani Hala va nda hiiloo a dɛnnda palaala súú-súù ka tuisio nda coo.

Esai 29:6

Mɛlɛka-Nɔ-Kpaayaa-Kpow-vo toalnin niaa tɛɛn a diom mataŋndo, a lɛŋnde ɲiiyaalen, a vóólun-vóólunn bɛndoo, a felenfelen bɛndoo, a hoeyii fùkù-fùkùei a á yinnde yelenyelennde bɛndulen.

Marke 13:7

Tuma niaa tuɛinin sɔɔn cɔwvon a ɲiimu-ɲiimu lacɔwvo-o, la láásiàn kɔltan te. Kani fɔ mì ken tosan, kɛ o ve vɔnin lamɛɛlu le la vanin ndan te.

Marke 13:9

La caa le niaa pila. A kɔanin a niaa o fondala kialaa n'yamalan, mà lɔɔ niaa o cɛila lekaanndan nin. A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl.