Marke 13:10 - BII BILA

¹⁰ Fɔ mì Yoongu Kɛndɛ Hala-o tiiyalan fɔlɔn vanaa-mangalaa-isɔɔa súúlan kpow.

Marke 13:10 Referans Kwoze

Matie 24:14

Yoongu kɛndɛ soo a masale Hala len o kɔɔ-o yondannin o ceendo coo kpow, haliko mi ken i va seilen le vanaa-mangalaa-isɔɔa súúlan kpow. O kon kɔɔli, mɛɛlulan la tiiya.»

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Dɛnnda cɔɔmuanndan 14:6

Mí ca mɛlɛkanɔ celen, o va cɔnɔnndo coocoo o halataalaa tɛɛn, ndóò nɔ Yoongu kɛndɛ fɛɛn-fɛɛndo le vannda dimullo: vanaa co o lɛŋnden coo-a, vanaa fula o lɛŋii yɛ́-yɛ́i nin-nda, vanaa fula o lepola oo lepola coo-a, vanaa-mangalaa-isɔɔa súúlan kpow a vannda kpede.

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Rɔmnda 10:18

Kɛ i co ɲuna: Mò va maa Israɛlla tui sɔɛi ken te? A tuei ndi tɛ́ɛ́. «Kani diom ndaa kɔɛ, mó tiw o lɛŋnden kpow coo, mí sɔɔn ndan tiiya o ceendo mɛɛlulan di.»

Marke 16:15

O kon kɔɔli mó dimul nda aa: «La kɔ o ceendo coo nɛɛ-nɛɛ ka, mì la kɔ yonda Yoongu Kɛndɔɔ o ɲɛm cɔwnun-ndon kpede lo.

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Rɔmnda 1:8

Ɲɛ tasoo, i mel Hala nuu balika o diola Yeesu Krista lan le niaa kpow, kani laalan niaa kela tɔ́ɔ́ o ceendo coo kpow.

Matie 12:41

Paale kialaa iyamalen, Ninivea cannin mà yaala vanndacieea paalen nden hau. Kani caaŋaa kan, telen Yonas dimul nda sɔɛi Hala-e-o, má mal yɔŋ vɔɔn ndaa, má mangalan. Nduyɛ, vana hiow Yonas-o co nanu.