Marke 12:2 - BII BILA

² Telenndo tiiyaa, mó viam buɛi ndɔɔ o pilɛ o vanaa tósà baalaa o nakɔ n'rɛsɛnndo nin-nda lo haliko mi ndóò sɔla tɔnɔ fula o nakɔ kon nin-ndo nda o ba.

Marke 12:2 Referans Kwoze

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

Luke 20:10

Telen kiandaa tiiyaa, mó viam buɛi ndɔɔ o pilɛ o vanaa tósà baalaa o nakɔ n'rɛsɛnndo nin-nda lo haliko mi ndáà ke ndu tɔnɔ fula o nakɔ kon nin-ndo. Kɛ mí vanaa tósà baalaa o nakɔ n'rɛsɛnndo nin-nda lɔaa ndu, má mingi ndu bala fondo.

Luke 12:48

Kɛ te buɛiyo sina hɛnan vana ndɔ bɛndoo le, mò tɛɛmbuu, ndu sɔlanin lɔɔ bɔɔ le. Vana nda ke pɛ taw, a ɲuna ndu taw. Vana nda yɔngu yɛ pɛ ɲɔɔn taw mandaa, a ɲuna ndu vɛlɛ taw-taw.»

Matie 21:34

Telen kiandaa n'rɛsɛnndo tiiyaa, mó viam buɛyaa ndɔa o vanaa tósà baalaa o nakɔ n'rɛsɛnndo nin-nda lo haliko mi ndóò sɔla tɔnɔ fula o nakɔ kon nin-ndo o ndɔɔ.

Sakari 7:7

Sɔɔn mun Mɛlɛka ndóò dimul sindɛ vanaa-tɛɛngaa-diom Hala-a le vannda tɛɛngullo ni. Tuma kon, vannda va icali Yerusalɛm taw, a vannun nila ɲulu a kobila balu Yerusalɛm-ndan, a o tàndá co a ba too-o nin, haa vannun vɛlɛ icali nila ɲulu o tàndá ladɛɛlaa nin.

Misee 7:1

«Kpòkóó, má cè dɛnɛ palaa le ya sii! I siŋnun maa vana fula a tuma kiandaa kɔmnde levɔɔ, maa vana kɔɛ rɛsɛnndon nuwviaa tuma caanda cìì nin mun kiɔndɔɔ-o. Hali kpɔ̀nyɔ̀ɔ́ pilɛ ve lɛ le dioo le, hali voosun sɛnɛin ya yeema taw-von i pilɛ bɛɛ ve lɛ le.

Yeremi 44:4

Ya yɛ, i sanga niaa vanaa nia baalaa kpow vimndo a vanaa-tɛɛngaa-diom Hala-a le niaa dimullo maa la soli pelon o dɛnnda vɔɔnnda ya yeemiaa lan nin,

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Condii lisai 1:3

Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

Ɛsdras 9:11

Tɔŋnda nɔm óò yɔngu vanaa nɔmaa baalaa, vanaa-tɛɛngaa-diom Hala-a nɔmnda le naa lan tɛɛngullo lan pɛɛn. Mí nɔm óò dimul naa o tasendɔ aa: Lɛŋnde niaa co lakɔ le calle nin-nden le cuu nɔɔliaa, kani vanaa co o lɛŋii ken nin-nda cuu nɔɔlian. Kandɔɔ o tumndo háá o bollen, a cii len pei a dɛnnda vɔɔnndan.

2Dɛnnda lemasalan 36:15

Mɛlɛka Hala fuɲaa ndaa mamaa va nda kiilaa vimndo lɔ́ɔ́-lɔ́ɔ̀ le nda sɔɔn tɛɛngullo, kani ndóò yeema le vanaa ndɔa a Cɛi-Diandaa ndɔɔ baŋaa.

2Masaa 17:13

Mí Mɛlɛka yondal Israɛlla a Yudaa a sondola vanaa-tɛɛngaa-diom Hala-a ndɔa a vanaa ca sɔɔn lacion-nda, mó dimul nda aa: «La mangalan a dɛnnda niaala vɔɔnndan, mì la bii tɔŋnda nilan a silala nilan, mì la kela o tɔŋ ya sɛval fuɲaa nia mamaa-o coo, tɔŋ ya yɔngu niaa fulaa vanaa nia baalaa o ba-o, vanaa-tɛɛngaa-diom Hala-a pɛɛn.»

Marke 12:1

O kon mí Yeesu kandu sɔɛi o nda lo o taloo nin, mó dimi aa: «Langbanɔɔ pum tɔl nakɔ n'rɛsɛnndo ni, mó kunga ndu pindo, mó toaw doolaa lenin, mó tangul cɛi cumulaa lenin. Ciiyo, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin.

Marke 12:3

Kɛ má bii ndu, má lɔaa ndu, má mingi ndu bala fondo.