Marke 12:1 - BII BILA

¹ O kon mí Yeesu kandu sɔɛi o nda lo o taloo nin, mó dimi aa: «Langbanɔɔ pum tɔl nakɔ n'rɛsɛnndo ni, mó kunga ndu pindo, mó toaw doolaa lenin, mó tangul cɛi cumulaa lenin. Ciiyo, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin.

Marke 12:1 Referans Kwoze

Marke 13:34

Ɲɔɔ tosannin maa langbanɔ cɛn kɔlan kelaa, mó mɛi cɛi ndɔɔ buɛyaa ndɔa o ba, mó ke vana-vana baala ndɔɔ, mó dimul kpalilnɔɔ le dioo cumullo-o.

Marke 4:2

Mó viaw nda pɛɛkoo taw o talelan nin. Mó va dimio o nda pɛɛkoo aa:

Matie 25:14

«Masale halataala len le vanin maa langbanɔ va kɔlan kelaa, mó veelu buɛyaa ndɔa, mó yɔngu nda bolofaa le mandaa-o.

Dɛnnda kiilaa 7:38

Telen vannda ndáà cuungian o lɛŋnde veselɛilen nin-ndo, ndu koni va vɛlɛ kiilalen mɛlɛkanɔ nda va suukanndo o pembei Sinai coo-o tɛɛn nda fuɲaa naa mamaa ni. Mí Moise sɔla sɔɔn yɔngu vana cindaa-on Hala o ba le naa mun tɛɛngullo.

Luke 19:12

Lelan, mí Yeesu dimul nda aa: «Mí langbanɔ pilɛ, ó velun o polalen tɔ́ɔ́len nin-ndo, kɔa o lɛŋnde levil-vilten lepum nin, haliko mi ndáà kɔ suili ndu masaa, o kon kɔɔli mì ndóò muungun.

Luke 15:13

Palɛi bingi o kon kɔɔli, mí o pɔmbɔɔ kon mɔɔsiaa ɲɛm ndɔn kpow, mó kɔannun o lɛŋnden nin, mó kɔ tɛɛmbuu bolofaa ndɔɔ o laasianndo nin.

Luke 8:10

Mó mulul nda aa: «Niaa niaa, la sina sɔɔn viannaŋun masale Hala len. Kɛ vanaa celen yɛ, n dimulun nda o talelan nin haliko: a va tofaa, kɛ a ca le, a va tueyɔɔ, kɛ a bii bila le.»

Matie 21:28

Mí Yeesu dimul nda aa: «Vɛɛ niaa yiyan yɛ? Langbanɔ pilɛ ndóò nɔ poaa nda ŋiɔn, mó dimul o tasoo aa: ‹Po nuu, kɔ tosal-la hau baalaa o nakɔ n'rɛsɛn nuu nin!›

Yeremi 2:21

Nduyɛ, yáà tɔl nɔm maa nakɔ n'rɛsɛn kɛndɛ-kɛndɛ, maa tɔlɔɔ tum kɛndɛ-kɛndɛ. Vɛ̀ɛ̀ n looku yɛ kɔllo mangalan a ya o lepilɔɔ nuaa? Le yɛɛ n muungu yɛ maa rɛsɛn foofiɛi nda fula nɛɛ celen pɔ́-o?

Esai 7:23

O palɛi ken nin, fonda oo fonda rɛsɛnndon va pɛ n tɔalaa coo tumndan vàá pilɛ, mì vɔngu fonda kon bɛnda volin latámán vàá pilɛ, fonda kon malnunnin mì hɛɛnndon a siɛmbulle vil lon.

Luke 22:9

Má ɲuna ndu aa: «Kuɛɛ nɛ n yeema yɛ mì n bɛɛndiaa ndu?»

Matie 13:3

Mó viaw sɔɛi o nda lo lándán o talelan nin, mó va dimio aa: «Paale pilɛ, mí langbanɔɔ pum can le maalon saŋɔɔ.

Matie 21:33

«La yaŋ vɛlɛ nilan o tale celen. Simlaci yungoo pum tɔl nakɔ n'rɛsɛnndo ni, mó kunga ndu pindo, mó toaw doolaa lenin, mó tangul cɛi cumulaa lenin. Ciiyo, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin.

Matie 21:34

Telen kiandaa n'rɛsɛnndo tiiyaa, mó viam buɛyaa ndɔa o vanaa tósà baalaa o nakɔ n'rɛsɛnndo nin-nda lo haliko mi ndóò sɔla tɔnɔ fula o nakɔ kon nin-ndo o ndɔɔ.

Marke 3:23

Mí Yeesu veelu nda, mó dimul nda isɔɔ o tale nin aa: «Vɛɛ Setana nɔla yɛ mo tow Setana?

Marke 11:33

O kon má kɔ mulul Yeesu aa: «N sina le.» Mí Yeesu bɛɛ dimul nda aa: «Mɛɛ ya bɛɛ, i cɔmnin niaa vana vem ya dɛnndan ndan tosaa-o le.»