Marke 10:1 - BII BILA

¹ Mí Yeesu bii nɛiyo le kɔlan a ba Yuda-o, a Yurdɛn peo leeloo. Mí sɛ́lɔ́ɔ́ cuungian vɛlɛ nɛɛ o va-a, maa mɛɛ o dema tosa yɛ, mó kandu nda vɛlɛ pɛɛkoo.

Marke 10:1 Referans Kwoze

Nsaŋ 10:40

Mó kɔannun vɛlɛ Yurdɛn peo leeloo, nɛɛ Nsaŋ ndóò kandu vannda yinɔɔ-a, mó kɔ calnun ndon.

Marke 4:2

Mó viaw nda pɛɛkoo taw o talelan nin. Mó va dimio o nda pɛɛkoo aa:

Nsaŋ 11:7

o kon kɔɔli, mó dimul kaandennda aa: «N muungun Yuda.»

Marke 6:34

Yeesu fulaa dɔ́ɔ́ o dɛ̀ndɔ̀ɔ́ nin, mó ca vannda sɛ́lɛ́ bɛndoo, mí ɲííye bii ndu a nda, kani maa saa nɔ vana mandaa le-a nda va ni, o kon mó can nda pɛɛkoo o sɔɔn taw coo.

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Yeremi 32:33

A mulul-la hɔlla le, má mulul-la kɔɔ. Nduyɛ o co lɛhau le ya co nda pɛɛkoo le, kɛ a yeŋnun te, a bii silaa le.

Nsaŋ 18:20

Mí Yeesu mulul ndu aa: «Kpendekele ya va sɔɛi o vannda kpow lo ni. Lɔ́ɔ́-lɔ́ɔ̀, i va vannda pɛɛkoo o cɛila lekaanndan a o Cɛi-Hala-o nin nɛɛ Yuifia kpow bɔɔŋian-nda. I dímí ɲɛ-ɲɛ o vionnɔn nin te.

Marke 6:6

Mó dɔawnun kɔndɔfili le laalan nda kɛɛ-o. Mí Yeesu balu o cieon va lon-ndon nin kpow le vannda pɛɛkoo.

Marke 2:13

Mí Yeesu fula vɛlɛ, mó kɔa o mɛmma ihɛllan kɔngɔ. Mí sɛ́lɔ́ɔ́ va ndu hunɔɔ kɔɔli, mó va nda pɛɛkoo.

Vana Kɔlkaloo 12:9

Mí ca maa vana kɔlkaloo tosà kɔlkaloo le ndu pila daama le. O pɛɛkù vɛlɛ vannda kɔlkalu ndɔɔ, mò dimi talelan taw, mò keela kɔllo lecoo, mò soli lan kɔlɔ.

Matie 26:55

O kon kɔɔli, mí Yeesu dimul sɛ́lɔ́ɔ́ aa: «La vɛ hunɔɔ le ya biyɔɔ a mɔɔn cɔwvon a á yɔmii bingiei maa vui? Lepalaa-lepala, i va icali o Cɛi-Hala-o nin niaa tɛɛn le pɛɛkulan yɔngoo, la bii ya le.

Marke 1:21

Mí Yeesu nda kaandeŋaa ndɔa kɔa Kapɛrnaum. Paale pɛngiaalen tiiyaa, mí Yeesu luɛi o cɛi lekaando nin, mó can vannda pɛɛkoo.

Marke 6:2

Paale pɛngiaalen tiiyaa, mó kɔa vannda pɛɛkoo o cɛi lekaando nin. Mí sɛ́lɛ́ bɛndu va ndu nilan yaŋɔɔ-o dɔawnun kɔndɔfili. Mí vannda va dimio aa: «Kuɛɛ o fula yɛ a hee kpow? Kɔlkalu súú yɛɛ kennun yɛ ndu hoo? Vɛ̀ɛ̀ o looku yɛ dɛnnda kaamaalan ndan kpow tosaa?

Marke 10:2

Mí Faliisia hinul ndu a ɲuuniaalan le ndu kɔlɔɔ solio, má ɲuna ndu aa: «I co pá i cɛlnan le vanapɔnɔɔ laa ndɔ kɛɔ?»

Marke 12:35

Yeesu va pɛɛkoo yɔngoo o Cɛi-Hala-o nin, mó ɲuna aa: «Le yɛɛ vanaa pɛɛkaa latɔŋnda co yɛ dimio maa po David-o Krista co ni?

Marke 14:49

Lepalaa-lepala, i va icali o Cɛi-Hala-o nin niaa tɛɛn le pɛɛkulan yɔngoo, la bii ya le. Kɛ hee kpede tosan, haliko mi sɔɔn sɛvan o Sɛbɛ Hala-o nin-ndon peelun.»