Marke 1:8 - BII BILA

⁸ Ya, i co niaa yinɔɔ o mɛnndan nin, kɛ ndu yinnin niaa a Hala Kɔl-Diandaa.»

Marke 1:8 Referans Kwoze

Dɛnnda kiilaa 1:5

Kani o mɛnndan nin Nsaŋ yin vannda ni, kɛ niaa niaa, palɛi bendu lɛ le, mì la sɔla yinɔɔ Hala Kɔl-Diandaa.»

1Korɛntea 12:13

Kani naa kpow n sɔla yinɔɔ Kɔl-Diandaa pilɛ kon o ba, mí n siŋnun kɔɔle pilɛ len, vana va Yuifinɔ, vana va Yuifinɔ le. Vana va cɛ, vana vannun o ba nɔm coo, mí n sɔla Kɔl-Diandaa pilɛ kon le kolɔɔ.

Dɛnnda kiilaa 10:45

Mí vanaa laalaŋaa fula Yuifia tɛɛn, má liila ndu-a dɔawnun kɔndɔfili taw le cɔ nda ce mí Hala Kɔl-Diandaa toal vanaa ve N'Yuifi le-a coo-o.

Dɛnnda kiilaa 2:4

Mí Hala Kɔl-Diandaa pia nda nin kpow, má kandu sɔɛi o sɔɔn celen nin mɛɛ Kɔl-Hala-o va nda cɔmndo le sɔɛi yɛ.

Dɛnnda kiilaa 2:17

‹Hala dimi aa: O palɛi mɛɛlɛi, i saŋnin Kɔl nuu vanndacieea kpow coo. Poaa niaa a cuavaa niaa laandua siŋnunnin vanaa-tɛɛngaa-diom Hala-a. Langbaa felengia niaa canin vunduan, bɛndua yuuvɛiya sɔlnin lɔan.

Matie 3:11

Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

Esai 32:15

Ɲɔɔ lonin lende háá mì yiyan pum fula coocoo mò hun saŋnun naa coo. Mì lɛŋnde veselɛilen le siŋnun yondo kalaa, mì yondo kalaa cennun maa bundɛ.

Talelan 1:23

La muungu ya o ibuŋ, mì la tuei kanalannda nilan. La tofa vɔ, i saŋnin kɔl nuu niaa coo, i cɔmnin niaa sɔɔn nun.

Marke 1:7

Mó va yondaa aa: «Vana hiow ya kpaaya-o co hunɔɔ o ya kɔɔli, i co bɛɛ o sɔvɛ le tundɔnndo mì timbi yoei ndɔɛi lasamtai le.

Marke 1:9

O telen kon, mí Yeesu can Nasarɛt o tàndá Kalile-o nin, mó hun. Mí Nsaŋ yin ndu Yurdɛn o peelo.

Luke 3:16

O kon mí Nsaŋ mulul nda kpow aa: «Ya, o mɛnndan nin ya co niaa yinɔɔ ni, kɛ Vana hiow ya kpaayaa-o co hunɔɔ, i co bɛɛ o sɔvɛ le yoi ndɔɛi lasiamtai timbio le. Ndu, o yinnin niaa a Kɔl-Diandaa a á yinnden.

Nsaŋ 1:26

«Ya, o mɛnndan nin ya co yinɔɔ ni, kɛ vana pum co niaa tɛɛn, la sina ndu le, ndu hunnin o ya kɔɔli.

Nsaŋ 1:33

Yáà sina ndu le, kɛ vana vem ya yinɔɔ o mɛnndan nin-ndo dimul-la ni aa: ‹Vana n canin Kɔl Hala-o tolɔɔ coo mò cal-lo, ndu yinnin a Kɔl-Diandaa ni.›