Marke 1:21 - BII BILA

²¹ Mí Yeesu nda kaandeŋaa ndɔa kɔa Kapɛrnaum. Paale pɛngiaalen tiiyaa, mí Yeesu luɛi o cɛi lekaando nin, mó can vannda pɛɛkoo.

Marke 1:21 Referans Kwoze

Marke 6:2

Paale pɛngiaalen tiiyaa, mó kɔa vannda pɛɛkoo o cɛi lekaando nin. Mí sɛ́lɛ́ bɛndu va ndu nilan yaŋɔɔ-o dɔawnun kɔndɔfili. Mí vannda va dimio aa: «Kuɛɛ o fula yɛ a hee kpow? Kɔlkalu súú yɛɛ kennun yɛ ndu hoo? Vɛ̀ɛ̀ o looku yɛ dɛnnda kaamaalan ndan kpow tosaa?

Marke 1:39

O kon mó kɔa o tàndá Kalile-o kpow nin, mó va sɔɛi Hala-e yondaa o cɛila lekaanndan nin a ɲinaa vɔɔnda tovɔɔ.

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Dɛnnda kiilaa 17:2

Mí Pol komal nda lon mɛɛ o dema tosa yɛ. Palɛi pɛngiɛi iyaa, à va sɔɛi o Sɛbɛ Hala-o coo,

Dɛnnda kiilaa 18:4

Pol va sɔɛi lɔ́ɔ́-lɔ́ɔ̀ o palɛi pɛngiɛi coo o cɛi lekaando nin, o va vɛlɛ nɛilan nuwviaa le Yuifia a Krɛkia kɔltan pilanndo.

Matie 4:13

Mó faŋan Nasarɛt, mó kɔ cal Kapɛrnaum, kobi co kon o mɛmma ihɛllan kɔngɔ o tàndá Sabulɔn-ndo a o tàndá Nɛftali-o nin-ndo.

Luke 13:10

O paale pɛngiaalen lepum coo, Yeesu va pɛɛkoo o cɛi lekaando nin.

Luke 10:15

Nɔm Kapɛrnaum yɛ, a helnin pá háá o halataala? Kɛì-kɛì bɛɛ! A sɔlanin tuisio háá ciee-piɔ́m.

Luke 4:16

Mɛɛ Yeesu tiiya Nasarɛt, nɛɛ o sul-la, mó luɛi o cɛi lekaando nin o paale pɛngiaalen coo mɛɛ o dema tosa yɛ, mó can le Sɛbɛ Hala-o dimio.

Marke 10:1

Mí Yeesu bii nɛiyo le kɔlan a ba Yuda-o, a Yurdɛn peo leeloo. Mí sɛ́lɔ́ɔ́ cuungian vɛlɛ nɛɛ o va-a, maa mɛɛ o dema tosa yɛ, mó kandu nda vɛlɛ pɛɛkoo.

Marke 2:1

Palɛi pum o kon kɔɔli, mí Yeesu muungu Kapɛrnaum. Mí vannda tuɛi maa o va cɛinin.

Marke 1:20

Mó veelu nda dɔ́ɔ́. Má mɛi Sebede fuɲa nda o dɛ̀ndɔ̀ɔ́ nin ndon nda vanaa ndaa baalaa, má kɔa Yeesu kɔɔli.

Marke 1:29

Ndáà fulaa o cɛi lekaando nin, má kɔa nda Nsaki a Nsaŋ o Simɔn nda Andre-a lo cɛinin.

Marke 1:33

Mí kobio kpede kɔ cuungian o dio lon.

Marke 3:1

Mí Yeesu muungu vɛlɛ luɛyɔɔ o cɛi lekaando nin. Langbanɔ baa ndóò vi-o pum va lon.

Luke 4:23

Mí Yeesu dimul nda aa: «A toɲa, la dimulnin ya taloo ho aa: ‹Nɔm vana singiaa, nɔm pila singin-ndɔ.› Mì la dimi vɛlɛ aa: ‹N tuei dɛnnda n tosa Kapɛrnaiim-ndan kpede tɔ́ɔ́, tosa vɛlɛ dɛnnda pilɛla lan o lɛŋnde nɔmnden nin nanu.›»