Marke 1:2 - BII BILA

² Maa mɛɛ o co o sɛvaa o sɛbɛ Esai, vana-tɛɛngaa-diom Hala-o-o nin yɛ aa: «I co kiila nuu vomɔɔ nɔm laci, le nɔm pemalen pello.

Marke 1:2 Referans Kwoze

Malasi 3:1

«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.

Luke 1:76

Nɔm poombɔɔ ho, a veelunin nɔm aa vana-tɛɛngaa-diom Hala Hiow-Ɲɔɔn kpow-vo, kani Mɛlɛka nɔnin nɔm hɔlten coo, mà hiow laci, mà toosiaa nɛila ndɔlan

Matie 11:10

Kani a ndu Nsaŋ o kɔɔ o co o sɛvaa ni aa: ‹I co kiila nuu vomɔɔ nɔm laci, mò toosial pɔɔ nɔm nɛiyo.›

Luke 1:70

Maa mɛɛ ndóò dimi sɔɛi ken a sondola vanaa-tɛɛngaa-diom Hala-a diandaa ndɔa kabi paandu yɛ maa:

Matie 26:31

O kon mí Yeesu dimul nda aa: «Cɔɛllɛn, niaa kpow la kɛɛnin ya, kani o co o sɛvaa aa: ‹I lɔaanin vana mandaa n'saa, mì kunda saa puusian.›

Condii lisai 40:7

Ɲɛ nɛŋì nɔm kɔllo-o, o co sálàla n'cɔlu le, o co sálàla kpeyan te. O co sálàla loamaa n ɲuna le, o co vɛlɛ sálàá le hakio sɔlaa malɔɔ le. A kumbi ya nilan mí bii ndi bila.

Luke 18:31

Mí Yeesu kɔa a kaandeŋaa tɔ́ a à ŋiɔnda, mó dimul nda aa: «Má cè naa helɔɔ Yerusalɛm! Dɛnnda vanaa-tɛɛngaa-diom Hala-a sɛva a Po vanacieo o kɔɔ lan kpow la co hunɔɔ peelɔn.

Matie 26:24

Po vanacieo co hunɔɔ piɔ́mndo sɔla mɛɛ o sɛvan a ndu o kɔɔ o Sɛbɛ Hala-o nin yɛ. Kɛ dɛnɛ palaa co le vana malnin ndu vannda o ba-o. Ndóò va fisa hali mì vana kon ndóò vilun te.»

Matie 2:5

Má mulul ndu aa: «Bɛtlɛhɛm o tàndá Yuda-o nin. Kani ɲɛ vana-tɛɛngaa-diom Hala-o dimi-o co hoo ni aa: