Malasi 2:3 - BII BILA

³ I kɔngɔlan le cuavaa niaa tɛɛmbuuo. Niaa pila yɛ, mì yikpa niaa poolan o hɔl, poola cɔlua niaa diw o kafola niaalan coo-a pɛɛn. O kon mà viow niaa a poola lan latulu.

Malasi 2:3 Referans Kwoze

Nahum 3:6

I co nɔm sasɔɔ o loolio nin, mì tuisi nɔm siɛmbulan, mì soli nɔm vannda o hɔl kpendekele.

Malasi 2:9

Lelan ya co tosa ni mì siɛmbulan la bii niaa Israɛlla kpow o hɔl, mà kelun niaa yii. Kani la tui sɔɛi nii le, la va vɛlɛ vannda hiyanndo o tɔŋndo biyɔɔ nin.»

Yɔɛl 1:17

Kulun saŋnun-ndon co siɔu o puuloo bɛngu, kondalan la connun fondo fúú, bondonndan la koombiaa, kani malun co le vow lenin te.

1Masaa 14:10

Lelan, i co hunɔɔ dɛnɛ palaa tuisi yungu nɔmndo coo, mì diw vanpiaandua co o nɔm Yeroboam-ndo cɛinin-nda, o va cɛ piaandu o va hɔ́ɔ́ piaandu. I co hunɔɔ nda basɔɔ o lɛŋnde Israɛl-ten nin selemenden mɛɛ vana basu billo yɛ.

Fulaa 29:14

Kɛ ma lom visin bɛɛŋun cɔlu kon, yáw ndɔɔ a poola ndɔlan o dɔ́ɔ́ngɔ́ɔ̀ kɔɔli. Sálàá le hakio sɔlaa malɔɔ co kon ni.

1Korɛntea 4:13

A tɛɛmbuu pɛ naa diolan, n tɛɛlun nda. Háá sunsun, a co naa cɔu maa nɔ́ɔ́ sál, nɔɔ le ceendo kpede.

Luke 14:35

I nɛŋi lɛ ɲɛ-ɲɛ le, o va lɛŋ, o va o sál coo, mɛɛ mì vana viow ndi o bɛ́ɛ̀. Vana nɔ pɛ nilan le tueyɔɔ, mɛɛ ndu tuei.»

Yeremi 8:2

Mà tɛ̀i lan o paalen, o paangei, mì loeon bɛɛ n lɔɔ lan. Kani ɲɛm mun ndáà yeema ni, má del mun kɔɔli, má yiinun a mun, má baŋ mun vulan o labɛngunin. Lelan, vana kondunin paala kalalan te, vana minginin ndan kumbɔɔ le, lon la co lo ni háá mì la siŋnun kɔmbɔɔsio o foofo kon coo.

Condii lisai 83:10

La tòsá a nda mɛɛ niaa tosá a Madian, Sisera a Yabin o pee pɔmbɔɔ Kison yɛ,

SƐBƐ YƆB-O 20:7

o co hunɔɔ cuvɔɔ le fɛɛn a fɛɛn, mò siŋnun maa poola ndɔla ndu pila lan. O kon vanaa sina ndu-a ɲunannin aa: ‹Kuɛɛ o co yɛ?›

Tɔŋ lasálàá 26:16

la tuei-yɔ mɛɛ ya tosalnin niaa yɛ: I tuisinin kɔl yulan-yulanndo, ɲawvo a nààla dialun tuwlan niaa coo. Nààla lan la tɛɛmbuunin niaa hɔltan mì la dɔw niaa pila yɛɛvɛ. La vanin ciɛɔn niaa fondo fúú, kani yaamɔaa niaa dɔawnunnin balo a mun ni.

Tɔŋ miingua 28:38

La saŋnin kullon taw o ciɛɔn nin, kɛ la kuwnin ɲɛ bɔɔ le. Kani sóónɔa ciinin mun dio.

Condii lisai 47:5

Mó hɛlul naa kɛ́ɔ, naa yungu Yakɔb o kaola-o-a.

Yɔɛl 1:10

Ciɛɔn cuu itambu, lɛŋnden le luɛi kɔsɔ, kani maalon tambu, mɔima n'rɛsɛmma sɛnɛiyan ma co lɛ le. Hali cuɛilen tue bɛɛ le co lɛ le.