Malasi 1:5 - BII BILA

⁵ Niaa Israɛlla, la canin dɛnɛ kon a lehɔl ciŋ, mì niaa pila dimi aa: ‹Mɛlɛka cɔm kpaaya ndɔɔ hiovɔɔ o pɛɛngula lɛŋnde Israɛl-ten coo.›»

Malasi 1:5 Referans Kwoze

Tɔŋ miingua 11:7

A toɲa, kaamaala Mɛlɛka tosa lan kpow, mí la ca lan a lehɔl ciŋ.

Esekiɛl 38:16

A heelunin mà kuel, vanaa nia, Israɛlla maa yumbuyumbu co kɔlan lɛŋnden kumbɔɔ mɔku-mɔku-o. O telenndan mɛɛlulan ken tosannin ni. I yaanin nɔm le kɔlan lɛŋnde nilen delɔɔ coo, haliko mi vanaa-mangalaa-isɔɔa sina ya, lɔ́ɔ́ ya cɔmnin nda diondɔɔ nuu a nɔm o kɔɔ-o, nɔm Kɔk pɛɛn!›

2Dɛnnda lemasalan 29:8

O kon, mí kɔltuw Mɛlɛka-o toal Yudaa a Yerusalɛmnda coo. Mí Mɛlɛka tuisi nda kɔl yulan-yulando, dɛnɛ palaa a mɔnɛi coo mɛɛ niaa co cɔu nuaa yɛ.

1Samiɛl 12:16

Lelan sisa, la sim niko mì la ce dɛnɛ kaamaa bɛndu Mɛlɛka co tosa niaa o hɔl-lo.

Misee 5:4

Ndu vanin kɔlɲuloo ni. Telen Asirinɔɔ hunnin o lɛŋnde naalen nin, mò luɛi o cɛila naala lemasalan nin-ndo, n solinin vanaa mandaa n'saa nda ŋɔmmɛw a simlacia nda ŋɔmaa le ndu kɔlan simullo.

Esekiɛl 38:23

Lende ya cɔmnin bɔɔbɔɔyɛi nii a diondɔɔ nuu ni. I cɔmnin vanaa-mangalaa-isɔɔa sɛ́lɛ́a vana ya co-o, o kon má sina maa ya co Mɛlɛka ni.›»

Yosue 24:7

Mí fuɲaa niaa mamaa mɛli yeelan o ya Mɛlɛka lo haliko mi mala nda. Mí tuisi ɲumma bɛnduan Esiptea a niaa tɛɛn, mí mingi vɛlɛ mɛmma ihɛllan nda coo, mí nda kpow a cuu lenin. Niaa pila ce ɲɛ-ɲɛ ya tosal Esiptea. O kon kɔɔli, mí la viaw taw o lɛŋnde veselɛilen nin.

Tɔŋ miingua 4:3

Niaa pila ce ciŋ a hɔlta niaalan ɲɛ Mɛlɛka Hala niaa tosa a dɛnɛ piɔmndo Baal-Peɔr-o. Mó diw vanaa va hala kon sooloo o niaa tɛɛn-nda.

Esekiɛl 39:9

Vanaa co icali o kobilan Israɛl nin-nda fulanin, mà ciŋa yinnden, mà lom ɲɛm cɔvun (yaamɔaa ndaa): kɔ̀ɔ̀la cɔwla pɔmbɔlan a labɛndulan, kpaasiaalan a kɔɔn, siongolan a báltan. A vanin yinnden ciŋaa a ɲɛm mun o vɔsilan tan ŋɔmmɛw bɛngu.