Malasi 1:2 - BII BILA

² Mɛlɛka dimul vanaa ndɔa aa: «I kaola niaa.» Kɛ mí la va ɲunaa aa: «Yɛɛ cɔm yɛ maa a kaola naa?» Mí Mɛlɛka muli aa: «Vɛ̀ɛ̀ o co Esau le co bɛndoo Yakɔb-o le?» Kɛ Yakɔb ya kaola ni,

Malasi 1:2 Referans Kwoze

Yeremi 31:3

Levil polon Mɛlɛka cɔmnun ya ni, mì dimul ndu aa: ‹I kaola nɔm le lɔ́ɔ́-lɔ́ɔ̀, lelan ya co nɔm canyɛi nii cɔm ni.›

Tɔŋ miingua 10:15

Kɛ nduyɛ, fuɲaa niaa mamaa daama Mɛlɛka ndóò holnun ni, nda ndóò kaola ni, niaa cuavaa ndaa imamaa kínɛí o hɛli o vanaa-mangalaa-isɔɔa kpow tɛɛn maa mɛɛ niaa co ndi hau cɔu yɛ ni.

Tɔŋ miingua 4:37

Kani ndóò kaola fuɲaa niaa mamaa, mó hɛli niaa cuavaa ndaa imamaa o nda kɔɔli. Lelan ndu pila soli niaa o lɛŋnde Esipte nin a kpaaya bɛndoo ni,

Malasi 2:17

«La co Mɛlɛka saangiaa a sɔɔn niaan, mì la va dimio aa: ‹Vɛ̀ɛ̀ naa n co yɛ ndu saangiaa?› Yéé la co pɛ dimio aa: ‹Vana-vana tosa pɛ dɛnɛ vɔɔndo, a vana vaa lende Mɛlɛka naŋ kɔl ni! Vanaa vaa lende kpeekpei o yeema ni›. La co vɛlɛ dimio aa: ‹Kuɛɛ Hala co kon yaman sandan kiolɔɔ-o co yɛ?›»

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Yeremi 2:5

Diom Mɛlɛka dimi-o co hoo ni aa: ‹Dɛnɛ vɔɔn yɛɛ fuɲaa niaa mamaa saalun yɛ o ya nin? Le kɔlɔ yɛɛ nɛ nda faŋan yɛ ya kɔɔli má kɔa ɲɛm fondo-fondon kɔɔli, mí nda pila siŋnun vanaa fondoa?›

Esai 43:4

Kani niaa, la kendu vɔngoo ya o hɔl, vanaa sɔvɛa niaa co ni, i kaola niaa taw. I co vanndacieea yoomaa yɔngu o fonda niaa, i co vanaa súúla celen yɔngoo le yoomu niaa baŋaa.

O Kandɔɔ 48:4

Mó dimul-la aa: ‹I co nɔm cuawva yɔngu mì polale nɔmnden le kui taw. I solinin vanaa-mangalaa-isɔɔa taw nɔm o ipulu. Nduyɛ, i co hunɔɔ cuavaa nɔmaa imamaa lɛŋnden nden yɔngu le fɛɛn a fɛɛn.›

O Kandɔɔ 27:33

Mí kɔllo fula Isaak vúm, mó ɲiiya. Mó ɲunan aa: «Kɛ nɛ̀ɛ́ bii yɛ nin hoo visi ledoosoo mó toosial-la ndu, mó cuu ya? I cii nihau ɲɛmahiloo dio malan nɔm hun a o nɔmndo. I cii vana cuu ya ɲɛmahilu kon-ndo duaa dɔvɔɔ. Nduyɛ duaa kon feŋan ndɛnin ndu coo le.»

O Kandɔɔ 25:23

Mí Mɛlɛka dimul ndu aa: «Vannda súúlan tan tiɔn a co nɔm o dembe ni. Vanaa-mangalaa-isɔɔa súúlan tan tiɔn n co violɔɔ ni. O pilɛ hiawnin o pilɔɔ kpaayaa. Po tasoo calnin pɔmbɔ ndɔ o labɛngunin.»

Luke 10:29

Kɛ langbanɔ kon ndóò yeema mì ndu pila ndóò kennun di, le hee mó ɲuna Yeesu aa: «Nɛ̀ɛ́ co yɛ caan nuu?»

Nsaŋ 15:12

Tɔŋ nuu co hoo ni: La kaolian vellaa-velle maa mɛɛ ya kaola niaa yɛ.

Tɔŋ miingua 23:5

Kani telen niaa faŋan Esipte mí la va hunɔɔ-o, a kue niaa bɔŋa nɛi-tɛɛn a ɲɛdiaa a á mamɛn te few. Kɛ má hiaw Balaam po Beɔr-o kɔɔli a volion, má cua ndu Petɔr o lɛŋnde Mesopotamii len nin, má hun a ndu le niaa dangaa dɔvɔɔ.

Tɔŋ miingua 33:3

A toɲa, a kaola vannda, vanaa diandaa kpow a co o ba nɔmndo bɛngu. Nda kpow a co nɔm o labɛngunin, má va pɛɛkula nɔmndan tueyɔɔ.

Esai 63:1

Nɛ̀ɛ́-nɛ̀ co yɛ hoo cɔnɔnndo o lɛŋnde Edɔm-nden nin mò va hunɔɔ? O co hoo cɔnɔnndo o kobio Bɔsra nin, mì sɔŋnda siaŋalan la va o volɔɔla ndɔlan-ndo? Vana kalaa co hunɔɔ a volɔɔla sɔvɛlan lekɔɔ, o co hunɔɔ a hɔlaa heelaa, a kpaaya ndɔɔ o piaa ndu o n'dial ca. Ya Maalii co sɔɛi a sandei ni, ya nɔ kpaayaa le (niaa) ciindiaa-o ni.

Amɔs 1:11

Nuaa Mɛlɛka soo ni aa: «Le yɔŋnda vɔɔnnda yàála Edɔmnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tow puapilɛa ndaa, má ɲaanun nda kɔɔli a mɔɔn cɔwvon, má kɛɛ le nda ɲííye tuinɔnndo, má tuisi nda kɔltuw ndaa coo. A co kɔl nda fulaa mandanndo nin le lɔ́ɔ́-lɔ́ɔ̀.

O Kandɔɔ 25:25

O tase o velu-o, kɔɔlen le va ndu lediuvaa, yiinde va ndu lekɔɔ maa yiiŋii yáw visi. Lelan nda ke ndu diolan ni aa Esau (kon co dimio ni aa «Vana nɔ yiinde lekɔɔ-o»).

O Kandɔɔ 25:26

Mɛɛ ndu velun, mí pɔmbɔ ndɔ fula vɛlɛ, ba ndɔɔ va o kafalanndo o bɛngu tííndíí Esau-vo. Má ke ndu diolan aa Yakɔb (kon co dimio ni aa «Bɛngu tííndííyo»). Isaak ndóò nɔ vɔsilan belaŋɔmpum, mó vialu pɛndua kan.

1Masaa 10:9

Màá Mɛlɛka Hala nɔmndo sɔla biiloo le hɛli o hɛli nɔm, mó suili nɔm masaa Israɛlla coo-o! Kani le tùú Mɛlɛka kaola Israɛlla taw-vo o suili nɔm masaa le dɛnɛ sandaa tosaa a le yamɛi caa kiolɔɔ nda coo le fɛɛn a fɛɛn ni.»

2Masaa 3:8

Mó ɲuna Yoram ndu aa: «Kɛ a nɛi kuɛɛ naa n co yɛ kei le heeloo?» Mí Yoram muli aa: «A nɛi kei o lɛŋnde veselɛilen Edɔm nin-ndo naa n keinin ni.»