Malasi 1:14 - BII BILA

¹⁴ Dɛnɛ palaa co le vana kon, ó nɔ saa kóndóa kɛndɛ-kɛndɛa o cɔlua ndɔa tɛɛn, kɛ mó mɛi kan, mó kɔ bii o ɲavɛiyo le ndu ya sálàá solullo-o! Dɛnɛ palaa co le vana kon, kani Masa bɛndoo ya co ni. Vanaa-mangalaa-isɔɔa kpow a nɔ siòònde a diola nilan. Mɛlɛka-Nɔ-Kpaayaa-Kpow-vo dimi lende ni.»

Malasi 1:14 Referans Kwoze

2Korɛntea 8:12

Kani te vanndo nɔ pɛ yeemɛi le yɔngoo, Hala cɛl mɛɛ sɔla vana kon co yɛ, kɛ o ve mɛɛ sɔla ndɔ co le yɛ le.

Malasi 1:8

La co hunɔɔ a cɔlua sumɛiya, a cɔlua lenamtaa a á cɔlua co a nààlan-nda le nda ya sálàá solullo. Vɛ̀ɛ̀ la ci ken dɛnɛ vɔɔn te? Te la ke pɛ masa ibunga niaa cɔlu vaa lende, vɛ̀ɛ̀ o naŋ pá kɔl a niaa, mò candu niaa? Ya Mɛlɛka-Nɔ-Kpaayaa-Kpow-vo co niaa ɲunaa nuaa ni.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Luke 12:46

mì vana ndɔ bɛndoo hin paale o venin ndu kɔl te len a telen o sinanin too, o pesinin ndu, mò tosal ndu mɛɛ vana tosal vanaa baalaa lo o lediom coo le-a yɛ.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Sakari 14:9

Mɛlɛka tosanin masalen o lɛŋnden kpow coo. O palɛi ken nin, Mɛlɛka ndu pilɛ kpé vanin biilɔnndo ni. Diola ndɔlan daama la vanin diola kpeekpei lan ni.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Condii lisai 76:12

La cua ciɛ́ɔn o Mɛlɛka Hala niaa lo, mì la peelu ciɛ́ɔn mun! Niaa vanaa balu ndu-a kpow, la cuu Hala kpúlúnkùmaa ɲɛm-kéan.

Condii lisai 47:2

Niaa vannda kpow, la tiɔm balan! La deŋi Hala o lani a ɲaaloo.

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Hebreea 12:29

Kani yinnde tɛɛmbua len Hala naa co ni.

1Timote 6:15

Kon tosannin telen Vana Duaa, Vana hiow masalen-ndo, Masa hiow masaa kpow-vo, Vana kùndaa hiow vanaa kùndaa kpow-vo kelu-o.

Daniɛl 9:4

Mí tɛɛlun Mɛlɛka Hala nuu, mí sɔlɔlan yɔŋnda vɔɔnndan ndan. Mí dimi aa: ‹Éé Maalii! Hala bɛndoo a kpúlúnkùmaa! Nɔm, a manda kpema nɔmndo le vanaa bii tɔŋnda nɔmndan-nda. A lo o lediom coo a vanaa kaola nɔm-nda.

Yeremi 48:10

Dangaa co le vana co baala Mɛlɛka-o tosaa a dialun vílɛ́iyon-ndo, dangaa co le vana kɛɛnin mì mɔɛi ndɔɛi cɔwve soli koovan-ndo!

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Tɔŋ miingua 28:58

Te la bìí sɔɔn tɔŋndo ho kpow, mì la kela lecoo le, sɔɔn sɛvan mun o sɛbɔɔ nin-ndon pɛɛn, te la yɔ́ŋ siòònde a diola lebɛɛla kpúlúnkùmala Mɛlɛka Hala niaa le,

O Kandɔɔ 27:12

Te i tosa pɛ lende, mì Pua pilan ya, o co sina maa dúmbóó ya yeema le ndu yiiyo ni. O kon, o dow lɛnin ya duaa le, kɛ ya pila tuisinnin dangaa coo ni.»

Marke 14:8

Ɲɛ o nɔla-o o tosa ni. Cuɛima cun kɛndɛma o taaliaa ya man coo-an, le kumbɔɔ nuu o bɛɛndiaa pɔɔ dialun nun nuaa ni.

Matie 24:51

O pesinin ndu, mò tosal ndu mɛɛ vana tosal vanaa muuluannda yɛ. Mò yɛɛ ndu nɛɛ caŋndan a ciŋndon sɔmndo vanin ni.»

Matie 5:35

La mɛnan a lɛŋnden te, kani len le co ɲɛ kɛsiaa n'pelu ndɔɔ ni. La mɛnan a Yerusalɛm te, kani kobi masa bɛndoo co kon ni.

Malasi 3:9

Niaa vanaa co icali o lɛŋnden-nden kpow coo-a, danga bɛndoo co le niaa, le hui niaa co ya-o.

Condii lisai 95:3

Kani Mɛlɛka co Hala bɛndoo ni, ndu co Masa bɛndoo halaa kpow coo ni.

Condii lisai 68:35

La sina kpaaya Hala-o, ndu nɔ masalen Israɛlla coo ni. Kpaaya ndɔɔ hiow halataalaa helɔɔ.

Condii lisai 48:2

Mɛlɛka co o bɔɔ! Le ndu lisaa kpow bɛnda o kobi Hala naa nin a o pembii ndɔɛi diandɛi coo ni.

2Samiɛl 24:24

Kɛ mí masaa dimul Haarawna aa: «Ɛ-ɛ! Piondɔɔ ya yeema ni mì pendu ɲɛm mun nɔm o ba mɛɛ n nɔ báà yɛ. Kani i yeema mì solul Mɛlɛka Hala nuu sálàá a ɲɛm ya sɔla fondo-on te.» O kon, mí David yɔngu ndu volin latámán beleŋuɛɛnu le kpele lɔaa n'mal kon a navaa kan piondɔɔ.

Yeremi 46:18

Sɔɛi fula masa nɔ diolan aa Mɛlɛka-Nɔ-Kpaayaa-Kpow-vo o sondo-e co hee ni aa: ‹Te i co yoomu lekɛ́ndɛi! Te pembei Tabɔr co ni, te o mɛnndan coo Karmɛl co ni, mɛɛ hunɔɔ yaamɔɔa co ni.›

Yeremi 48:15

Moab cuu itambu kpede, vannda co helɔɔ le kobila ndɔlan delɔɔ coo. A co kɔlan a langbaa felengia ndaa le nda diyɔɔ. Sɔɛi fula Masa bɛndu nɔ diolan aa Mɛlɛka-Nɔ-Kpaayaa-Kpow-vo o sondo-e co hee ni aa:

Sofoni 2:11

Kɛ, Mɛlɛka co nda fula o hɔl maa ɲɛ-vueinan, kani o tɛɛmbuunin halaa o lɛŋnden coo kpow. Vanaa-mangalaa-isɔɔa súúlan kpow, hali a co levil taw-va, vana-vana lonin o ndu lo mò baŋ vulan ndu Mɛlɛka o labɛngunin.»

Malasi 2:1

«Niaa vanaa-solia-lasálàá, le niaa kpeekpei ya co hee dimi ni.

Condii lisai 47:3

Kani Kpulunkumaa Mɛlɛka, Hala-Hiow-Ɲɔɔn-Kpow-vo co ni. Ndu co masa bɛndoo o lɛŋnden kpow coo ni.

Condii lisai 47:8

Kani Hala co masaa o lɛŋnden kpow coo ni. La solul ndu condon, la condu!

Condii lisai 102:16

Vanaa-mangalaa-isɔɔa kpow vonin nɔm Mɛlɛka, mì masaa co o lɛŋnden coo-a kpow a ke biilu nɔmndo bɛɛlen.