Malasi 1:1 - BII BILA

¹ Sɔɛi lusulɛi Mɛlɛka soo o Israɛlla lo a sondo Malasi-o-e.

Malasi 1:1 Referans Kwoze

Habakuk 1:1

Yoongu Hala cɔɔmul Habakuk, vana-tɛɛngaa-diom Hala-o-o.

Esai 13:1

Sɔɛi dimin le Babilɔn-nde co hee ni, i Esai po Amɔt-o tuei-ye:

Sakari 12:1

Sɔɛi Mɛlɛka dimi a Israɛlla o kɔɔ-e. Nuaa Mɛlɛka, o pɛngɛla halataala-o, o cɔw lɛŋnden mó cɔaw yoomu vanacieo-vo dimi ni aa:

Sakari 9:1

«Yoongu Mɛlɛka-o. Sɔɛi Mɛlɛka-e tiiya o lɛŋnde Hadrak len nin, i sim o kobio Damas coo. O co ko polama Israɛlla coo le Mɛlɛka nɔ hɔlten te, o nɔ vɛlɛ hɔlten vanndacieea kpow coo.

Aasee 2:1

O vɔsi diinndɔɔ nin o masale Darius len bɛngu, o paale bidiin a lepilɛndɔlen coo, o paangii ŋɔmmɛwndɔɛi nin, mí sɔɛi Mɛlɛka-e tɛɛngulun vannda a sondo Hasee vana-tɛɛngaa-diom Hala-o-o aa:

Aasee 1:1

O vɔsi diinndɔɔ nin o masale Darius le bɛngu, paale taselen o paangii ŋɔmpumndɔɛi nin, mí Mɛlɛka soaa o Hasee lo, o va vana-tɛɛngaa-diom Hala-o-o. Mó dimul ndu le yoongoo tɛɛnguuo o masa ibungaa Yuda lo, Sorobabɛl po Sealtiɛl-lo pɛɛn, a o Yosue lo, o va bolle vanaa-solia-lasálàá-o, po Yehosadak-o o va ni. Yoongu kon yɔŋnun hoo ni:

Nahum 1:1

Yamɛi kilulun Ninive-e. Vundule Nahum fula Ɛlkɔs-o ce len.

Yeremi 23:33

Mí Mɛlɛka dimul Yeremi aa: «Vana-vana ɲuna nɔm pɛ, o va vana-tɛɛngaa-diom Hala, o va vana-solia-lasálà aa: ‹Ɔ́ɔ̀ yoongu Mɛlɛka nɔ le naa-o? Ɔ́ɔ̀ volɔɔla o co lɛ naa siilu lan?› A muli aa: ‹Mɛlɛka dimi aa niaa co volɔɔlan le ndu ni. Lelan o co niaa tuisi.› Mɛlɛka soo lende ni.

Malasi 2:11

Yudaa lo o lediom coo le. A tosá dɛnnda lamààlan Yerusalɛm ciee a o lɛŋnde Israɛl-ten kpow nin. Kani Yudaa soli fonda diandaa Mɛlɛka-o o báà nin le tùú nda yil vanlaandua sooluu halaa celennda-a o nɔ̀lan-ndo.