Luke 9:51 - BII BILA

⁵¹ Telen Yeesu va le kɔnndan o halataala-o kandɔɔ tiiyaa, mó baŋ kangalan le luɛyɔɔ Yerusalɛm ciee.

Luke 9:51 Referans Kwoze

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Luke 18:31

Mí Yeesu kɔa a kaandeŋaa tɔ́ a à ŋiɔnda, mó dimul nda aa: «Má cè naa helɔɔ Yerusalɛm! Dɛnnda vanaa-tɛɛngaa-diom Hala-a sɛva a Po vanacieo o kɔɔ lan kpow la co hunɔɔ peelɔn.

Luke 13:22

O kɔla Yeesu va Yerusalɛm ndan, mó kei vannda pɛɛkoo o kobilan a o sɔndɔkɔltan nin.

Luke 17:11

Telen Yeesu va kɔlan Yerusalɛm-ndo, mó kei o pɛɛngulan tànda Samari-o a tàndá Kalile-o.

1Piɛr 3:22

Yeesu hel o halataala mó kɔ cal Hala o ba kɛndɔɔ coo-o pɛɛn, o nɔ̀ mɛlɛkaa, masɛi a kpaayalan kpow ndu o ba bɛngu-o.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Hebreea 6:20

Lon Yeesu luɛi naa tase ni, le dɛnɛ naa. Mó siŋnun bolle vanaa-solia-lasálàá le fɛɛn a fɛɛn maa Mɛlkisedɛk.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Efɛsea 1:20

O Krista nin o cɔm kpaaya kon ni, Krista o tindi fulaa vanvílɛ́iya tɛɛn, mó kɛsin ndu o ba kɛndɔɔ coo o halataala-o.

Dɛnnda kiilaa 1:9

Mɛɛ Yeesu cii sɔɔn mun dimi, mó hel o halataala, kiilaa ndɔa va ndu tofaa. O kon kɔɔli, mí yumbuyumboo kumbu ndu, a ci lɛ ndu le.

Dɛnnda kiilaa 1:2

kɔlan háá paale o hel o halataala len. Lɔ́ɔ́ o hun hel o halataala, mó yɔngu kiilaa ndɔa o hɛli-a silalan o kpaaya Hala Kɔl-Diandaa bɛngu.

Nsaŋ 17:11

I co lɛ va o ceendo coo le, kɛ nda co vɔ va o ceendo coo. Ya i co hunɔɔ muungu o nɔm ndo. Fuɲa ni diandaa, manda nda o diola nɔmndan, diola n ke ya lan, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Nsaŋ 16:28

O Pua lo ya fula ni, mì hun o ceendo coo. Sunsun, i co faŋan o ceendo coo, mì muungu o Pua lo.

Nsaŋ 16:5

Nihau, o vana vem ya-o lo ya co kɔnndan ni, vana-vana co yɛ dɔ́ɔ́ ɲuna le nɛɛ ya co kɔlan-nda le!

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Nsaŋ 6:62

Te la hun cɔ yɛ pɛ niko Po vanacieo helɔɔ nɛɛ o va o tasendɔ-a, vɛ̀ɛ̀ niaa dimi yɛnin?

Luke 24:51

O lo o nda duaa dɔvɔɔ, mó sɛyan a nda, mó helnun o halataala.

Luke 19:28

Yeesu ciiyo sɔɔn mun dimio, mó hiaw vannda laci, mó bii nɛiyo heeloo a kpengii Yerusalɛm-nde.

Luke 19:11

Vannda va sɔɔn mun yaŋnɔnndo, mí Yeesu dimul nda vɛlɛ taloo. Nduyɛ, o va Yerusalɛm macɛlu, a va yiyanndo maa Masale Hala len le va hunɔɔ cɔmnɔn o telen kon.

Luke 12:50

Mɛɛ mì sɔla yinɔɔ, nduyɛ i co cumndo háá mì sɔɛi ken i keleŋa peelɔn!

2Masaa 2:11

A lo kɔlan a sɔɛi lende, mí yinnden le fula, vanáà ca len ko aa ɲɛ ɲaanan soa nan-ndo ni. Mí soa leyinnda fula, má sɛi Elii nda Elise, mí Elii helnun coocoo o hoeyii felenfelennde nin.

Filipea 3:14

i co kiltan le tiiyaa o mɛɛlulan, le ɲɛ ya co kiltan kɔɔli-o sɔlaa, sala baala Hala ke ya o Yeesu Krista nin-ndo pɛɛn.

Luke 9:57

Telen nda va kɔlan o nɛi-yo, mí vanndo dimul Yeesu aa: «Ba-ba n kɔɛ pɛ, i kɔanin nɔm kɔɔli.»