Luke 9:20 - BII BILA

²⁰ Mó ɲuna nda aa: «Kɛ niaa yɛ niko, yɛɛ niaa co yɛ dimio le vana ya co-o?» Mí Piɛr muli aa: «Krista fula o Hala lo-o n co ni.»

Luke 9:20 Referans Kwoze

Nsaŋ 7:41

Mí a pum nda va dimio aa: «Krista co hoo ni.» Kɛ mí a tiŋ nda va dimio aa: «Mò va maa Kalile Krista fulanin ni?»

Nsaŋ 4:29

«La hun tofa vɔ langbanɔɔ pum, o cii ya dɛnnda ya tosa lan kpede dimul, o kɛɛ va ndu le co Krista le!»

Dɛnnda kiilaa 17:3

o va nda tɛɛsiallo a nda cɔmndo maa mɛɛ mì Krista ndóò sanga, mì ndóò tendu fulaa vanvílɛ́iya tɛɛn. Mó dimul nda vɛlɛ aa: «Yeesu ya co hoo niaa sɔɛi ndɔɛi dimullo-o, ndu co Krista ni.»

Dɛnnda kiilaa 9:22

Lepalaa-lepala Sol va hiovɔɔ laci a nda kɔltan pilanndo o sɔɔn o va nda dimullo-on nin. Yuifia va Damas-a a nɔla lɛ ndu ɲɛ-ɲɛ dimul te, kani o va nda cɔmndo maa Yeesu co Krista ni.

Nsaŋ 20:31

Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.

Nsaŋ 11:27

Mí Marte muli aa: «Oi Maalii, i laalan maa nɔm co Krista ni, Po Hala-o pɛɛn, óò bɛnda le hunɔɔ o ceendo nin-ndo.»

Nsaŋ 4:42

má va cuaa dimullo aa: «O co lɛ le ɲɛ n dimul naa-o le naa n laalan te, kani naa pila n tuei, nduyɛ n sina maa ndu co Vana ciindiaa ceendo lekɛ́ndɛi ni.»

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Nsaŋ 1:41

Vana tase o komal-lo va Simɔn Piɛr puapilɛ ndɔ ni. Mó dimul ndu aa: «N saalun Vana Hala vem-ndo, Krista pɛɛn!»

Marke 8:29

Mó ɲuna nda aa: «Kɛ niaa yɛ, yɛɛ niaa co yɛ dimio le vana ya co-o?» Mí Piɛr mulul ndu aa: «Nɔm co Krista ni.»

1Nsaŋ 5:1

Vana-vana laalan pɛ maa Yeesu co Krista ni, mɛɛ ndu velun o Hala nin, vana-vana kaola pɛ fuɲaa, kaolaa o kaola vɛlɛ cuavaa fuɲa kon velu-a ni.

Dɛnnda kiilaa 8:36

A lo kɔlan, má komal mɛnndan. Mí langbanɔ kon dimi aa: «Má cè mɛnndan! Yɛɛ kuuna yɛnin ya yinɔɔ sɔlaa?»

Luke 22:67

má ɲuna ndu aa: «Dimul naa te nɔm co Krista ni!» Mí Yeesu mulul nda aa: «I dimul niaa bɛɛ, la laalannin te.»

Marke 14:61

Kɛ mí Yeesu meinun, o muli ɲɛ-ɲɛ le. O kon mí bolle vanaa-solia-lasálàá ɲuna ndu vɛlɛ aa: «Vɛ̀ɛ̀ nɔm co Krista, Po Hala naa n co biiloo-o ni?»

Matie 22:42

«Vɛ̀ɛ̀ niaa yiyan yɛ a Krista? Po nɛ̀ɛ́ o co yɛ?» Má mulul ndu aa: «Po David-o o co ni.»

Matie 5:47

Te o va pɛ maa puapilɛa niaa daama niaa yìl ni, ɔ́ɔ̀ dɛnɛ bɛndu niaa tosa o kon-ndo? Vɛ̀ɛ̀ o co lende le vanaa sina Hala le-a bɛɛ a tosa le?

Matie 26:63

Kɛ Yeesu kuŋ te, o soli le. O kon, mí bolle vanaa-solia-lasálàá dimul ndu aa: «Mɛnan le Hala co yoomu-o, mà dimul naa, te nɔm co Krista Po Hala-o ni.»

Luke 9:19

Má mulul ndu aa: «Vanaa pum co dimio aa nɔm co Nsaŋ Vana-yinaa ni, a pum yɛ aa Elii, a pum co vɛlɛ dimio aa vana-tɛɛngaa-diom Hala va sindɛ, mó tendul fulaa vanvílɛ́iya tɛɛn-ndo n co ni.»