Luke 8:54 - BII BILA

⁵⁴ Kɛ mí Yeesu saa cuaambɔɔ baa, mó dimi a diom bɛndoo aa: «Cuaambɔɔ, cɔn!»

Luke 8:54 Referans Kwoze

Yeremi 31:32

O venin maa kpema ya yii a fuɲaa ndaa telen ya bii nda baa, le nda solio o lɛŋnde Esipte len nin-ndo le. Kpema kon ndu, má tɛɛmbuu ndu. Nduyɛ, ya va vana nda bɛndoo ni. Sɔɛi fula Mɛlɛka o sondo-e co ken ni.

Dɛnnda kiilaa 9:40

Mí Piɛr soli nda kpow o dio, mó baŋ vulan, mó piɛi Hala. O kon kɔɔli, mó muli hɔlla nɛɛ vana vílɛ́i kon va-a, mó dimi aa: «Tabita, cɔn.» Mí Tabita kumbi hɔltan. Ndóò cɔu Piɛr, mó can, mó cal.

Nsaŋ 11:43

Ndóò ciiyo dimio lende, mó yonda a diom bɛndoo aa: «Lasar, fula!»

Nsaŋ 5:21

Kani mɛɛ Fuɲaa tindi vanvílɛ́iya má muungu yoomu yɛ, lende koni Poo bɛɛ yɔngù vanà o yeema-o yoomoo ni.

Luke 8:51

Yeesu tiiyaa o Sairus lo bɛɛ, o cɛl mì vana-vana luɛi ndu kɔɔli cɛinin te, fɔ Piɛr, Nsaŋ, Nsaki, fuɲaa cua kon a kala ndɔ.

Marke 9:27

Kɛ mí Yeesu saa ndu baa, mó cua ndu, mó sim.

Marke 8:23

Mó bii ndu baa, mó kɔa a ndu o cieo kɔɔli. O kon mó sui ndu lɔluan o lahɔl, mó handu ndu balan coo, mó ɲuna ndu aa: «A co ɲɛ pum cɔu?»

Marke 1:31

Mó sɔɔnguu, mó bii ndu baa, mó cua ndu, mí dialun tuwvon mal ndu. Mó kandu bɛɛ nda ɲɛdiaa keo.

Matie 9:25

Sɛ́lɔ́ɔ́ fulaa kpede, mó luɛi, mó saa cuaambɔɔ baa, o kon mí cuaambɔɔ can.

Rɔmnda 4:17

Maa mɛɛ o sɛvan yɛ aa: «I siinguu nɔm fuɲaa le vanaa-mangalaa-isɔɔa bɔɔ-bɔɔ». Fuɲa vanaa kan o co vana o laalan-ndo o hɔl ni, Hala pɛɛn. O yɔngu vanvílɛ́iya yoomoo, mó tosa mí ɲɛm co lon fula.

Luke 8:53

Má muungu ndu mamɔɔ, kani a va sinaa maa cuaambɔɔ vi.

Luke 8:55

Mí yoomoo muungu ndu o n'dial. Fɔ́ɔ́fɔ̀, mó can. Mí Yeesu dimul nda le ndu ɲɛdiaa keo.