Luke 8:3 - BII BILA

³ Yoana lanɔɔ Kusa, Kusa va vana pilɛ o vanáà nɔ hɔlten o ɲɛm Herɔde-on coo-a tɛɛn, Susane a vanlaandua celen sɛ́lɔ́ɔ́ taw. Vanlaandua haa a va Yeesu nda kaandeŋaa ndɔa malaa a ɲɛm ndan sɔlan ni.

Luke 8:3 Referans Kwoze

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

Filipea 4:22

Vanaa laalaŋaa naa n co nanun-nda yil niaa, taama-taama a co baalaa o masaa Sesar lo cɛinin-nda.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Matie 26:11

Kani la nɔnin vanaa bala fondoa lɔ́ɔ́-lɔ́ɔ̀ niaa tɛɛn. Kɛ ya ya, la nɔ́nìn ya lɔ́ɔ́-lɔ́ɔ̀ niaa tɛɛn te.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Matie 2:11

Má luɛi cɛinin, má ca cɛlɛkpɔɔ nda Mari kala ndɔ, má baŋ vulan, má biilu ndu. O kon kɔɔli, má kumbi volɔɔla ndalan, má ke ndu ɲɛm ndáà yoo ndu-on: sianion, ansan a mir.

Esai 23:18

Kɛ sala ndɔ kon a ɲɛ-sɔlaa ndɔ nɔɔlɛi kon solinnin sálàà le Mɛlɛka. Vana cuungiaanin ɲɛm mun te, vana mandanin mun te. Kɛ ɲɛm mun vanin baloo le vanaa co vallo tosaa Mɛlɛka o hɔl-la ni, haliko ma de ma pim ca. Ɲɛm mun koni vanin vɛlɛ ɲɛ cuɛinan kɛndɔɔ le nda ni.

1Dɛnnda lemasalan 29:14

Kani yɛɛ ya David co yɛ, yɛɛ vanaa nia a co yɛ le nɔm ɲɛm-kéan yɔngoo a kɔlta naalan nuaa? Nɔm o ba ɲɔɔn kpow n fula ni, ɲɛm mun koni naa n co nɔm vɛlɛ yɔngoo ni.

Luke 24:10

Vanlaandua kan yɔŋnun haa ni: Mari fula Makdala-o, Nsaŋ a Mari kalaa Nsaki. Mí vanlaandua celeŋaa va lon-nda bɛɛ a kɔ tiiyal kiilaa kona pilɛ kon.

Dɛnnda kiilaa 13:1

Vanaa-tɛɛngaa-diom Hala-a a vanaa pɛɛkaa latɔŋnda pum a va vanaa Krista-aa tɛɛn Antiɔs: Barnabas, Simeɔn o ndáà ke diolan aa Vana-Tiŋio-o, Lusius fula Sirɛne-o, Manaɛn sul nɛɛ pilɛ nda Herɔde-o, Herɔde va masalen tosaa Kalile-o pɛɛn, a Sol.

Matie 14:1

A boondii ken, mí Herɔde va masaa Kalile-o tuɛi Yeesu tɔ́ɔ́.

Matie 14:3

Kani Herɔde ndóò bii nin Nsaŋ, mí ndóò baa ndu yɔlɔn, mí ndóò mal ndu o kaasoo le sɔɛi Herodiade lanɔɔ Filipe puapilɛ ndu Herɔde-e.

Matie 14:6

Nduyɛ, o kafo paale vialannde Herɔde len coo, mí cua Herodiade-o ya vanaa va o kafo kon coo-a o hɔl. Mɛɛ ɲɔɔ hɛnan Herɔde tei,

Matie 20:8

Paalen delɔɔ, mí vana nakɔɔ dimul vana ndɔ mandaa bolofaa aa: ‹Veelu vanaa baalaa mà sala nda. A kandu pɛ a vanaa mɛɛlu lakɔ-a a kɔ mɛɛlu a vanaa tasea kɔɛ-a.›

Matie 27:55

Vanlaandua taw a va lon, má sim tofaa kɔɔli-kɔɔli. Hali a cɛn Kalile ma va ndu balɔɔ kɔɔli le ndu malaa o balahavɛila ndɔlan nin-nda a va lon.

Nsaŋ 12:6

Yiyan o sɔla kon-ndo, o co iɲíí le ndóò nɔ a vanaa bala fondoa le, kɛ le tùú o va vuiyo-o. O va ɲɛm nda va mandaa-on ciimbuuo, kani ndu óò manda bɔlɔ nda n'volio o ba ni.