Luke 8:28 - BII BILA

²⁸ Ndóò cɔu Yeesu, mó yonda kpélén, mó del Yeesu o labɛngunin, mó heelu diomndo aa: «Le yɛɛ n co yɛ ya kɔɔli, nɔm Yeesu Po Hala-Hiow-Ɲɔɔn-Kpow-vo? I co nɔm tɛɛlɔn, saangiaa ya le.»

Luke 8:28 Referans Kwoze

Matie 8:29

Má can yoondiaa aa: «Yɛɛ n yeema yɛ le naa yɔŋndo, nɔm po Hala-o? Vɛ̀ɛ̀ le naa saangiaa n hin ni lɔ́ɔ́ pá mì telenndo tiiya?»

2Piɛr 2:4

Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

Nsaki 2:19

A laalan maa Hala ndu pilɛ kpé co ni? A caa laalan lende. Ɲinaa bɛɛ laalan lende mà va ɲiiyaa.»

Esai 27:1

Paale len, Mɛlɛka cuanin mɔɛi ndɔɛi cɔvii luɛyɛi, mɔɛi ndɔɛi bɛnduei, mɔɛi ndɔɛi mayoomui ken, mo lɔva N'Yalɛ́iyo, kɛw ɲaanan kon, ɲina-kɛw hiŋnun kon taw-taw-vo. O diinin ɲɛ yoomaa vɔɔn kɔndɔfili co kon o mɛmma ihɛllan nin-ndo.

Luke 8:27

Yeesu tolɔɔ lɛŋ, mí langbanɔɔ pum, ó va o kobi kon nin-ndo hun ndu o ibuŋ, ɲinaa vɔɔnda va ndu nin taw. Ndóò viow nin taw o ve lavolɔɔ vownɔn te, o ve vɛlɛ malɔ cɛinin te, kɛ o sɛilan nin ndóò lɔl ni.

Luke 8:29

Kani le fulaa Yeesu ndóò dimul ɲina vɔɔn va langbanɔ kon nin kabi lɔ́ɔ́ levil-lo ni. Yɔlɔn ndáà baa ndu ni, má vow ndu cilinndon o n'pelu. Kɛ o cɛn pɛ, o kili yɔlɔn mun, ɲina kon yɛɛ ndu o fondala vana ve le lan.