Luke 8:13 - BII BILA

¹³ N deli o powtan coo-on yɛ, mun co vanaa tuɛi sɔɛi Hala-e, má cɛl ndi a ɲaaloo-a ni, kɛ a nɔ n'puundu le, le telen bingi kínɛí nda laalan ni, kɛ te tɔɔndanndo komal nda pɛ, a mal.

Luke 8:13 Referans Kwoze

Nsaŋ 5:35

Fitinaa va biyɔɔ mì ɲɔɔ va tengaa-o Nsaŋ yɔŋnun ni. Niáà yeema le ɲaaloo dɔwnɔnndo o ɲɛ-tengaa ndɔɔ le telen bingi.

Osee 6:4

Kɛ mí Mɛlɛka mulul niaa aa: «Yɛɛ ya tosa yɛnin le niaa, niaa polale Efraim-nden? Niaa polale Yuda len yɛ, yɛɛ ya tosa yɛnin le niaa? Kaola niaa nɔ le ya-o, maa mɔ́m idii o co ni, maa makɛm o co ni, o nɛi puusian te.

Esekiɛl 33:32

Tofa vɔ (nɔm Esekiɛl), a siŋnun nda o hɔl maa yɔmbanɔ diom kɛndɛ caa condei taw-vo. Kani a co nilan yaŋɔɔ o sɔɔn nɔmndon, kɛ a co kela lecoo le.

Talelan 12:12

Ɲɛm lakafan vanaa kɔlvesɛiya yeema ni. Kɛ o kindikindin vanaa sandaa nin daama tɔnɔɔ co ni.

Yude 1:12

Nda kpeekpei co niaa palaa le ɲɛdiaa diom pilɛ niaa dioo ni, le dio lepulu nda dia-o, siɛmbula bii nda le, a nda pila koni nda buulan ni. Mɛɛ piɔɔ hel nuaa mì hoeiye hɔŋ, mò hiow o se le yɛ nda co ni. A co ko vɛlɛ kpen maa yɔm kɛɛ le komɔɔ hali a telen koamaa-o, ma va vɛlɛ a vílɛ́i maa yɔm nda sungu-o.

2Piɛr 2:22

Mí ɲɛ tale toɲaa pum dimi-o tosalan nda aa: «Tunndo de ɲɛ o kuusuu-o, te kon te aa, ciiyo dɔ́ɔ́ pewvo pulɔɔ, mó kɔ del o loolio nin.»

2Piɛr 2:20

Kani vanaa pum hɛlun dɛnnda vɔɔnnda ceenndan o Maalii naa a vana naa ciindiaa Yeesu Krista sinaa kɔɔli, kɛ taa muungu pɛ mà malnun dɛnnda lan o ba, mì la nɔla nda, ceen ndaa vɔwnin bɛɛ hiovɔɔ o tasoo coo.

Hebreea 10:39

Naa, n co vanaa muungu a makɔɔ le lou o ɲánndávàà le naa n co le, kɛ vanaa laalan Hala le cindaa sɔlaa-a.

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

Esai 58:2

A co ya nuwviaa lepalaa-lepala, a yeema ma sina nɛila nilan, maa vanaa-mangalaa-isɔɔa tosa dɛnɛ sandaa-a, a mel sandii Hala nda-e le-a. A co ya ɲunaa le yaman sandan kiolɔɔ, a yeema ma va ya Hala macɛlu kpɛɛlun.

Nsaki 2:26

Mɛɛ dialun yoomu co nin toon co n'vílɛ́iyon yɛ, lende koni laalan dɛnndan la co nin too co o vílɛ́iyo ni.

1Timote 1:19

mà lo o laalanndo coo, mà nɔ yiyan kɛndɔɔ! Vanaa pum a tui yiyannda kɔlta ndalan diom te, ɛɛ nduyɛ, má mal laalanndo.

1Tesalonikea 3:5

Lelan, le mɛɛ yáà tiw lɛ ba cum kon yulɔɔ le yɛ, mí viam Timote le kɔlan sɔɔn ɲuuniaa a laalan niaa o kɔɔ. I va buulanndo yɔŋii ɲina vɔɔndo ndóò tɔɔndan niaa, mì vali naa ndóò siŋnun fúú.

Kolɔsea 2:7

La sim mì la luei puundon o ndu nin, mì la tangul yoomu niaa o ndu coo maa mɛɛ niaa sɔla pɛɛkoo yɛ, mì la va vanaa sinaa ikɛndɛa taw.

Kalatea 3:4

Vɛ̀ɛ̀ mì o kɛ́-kɛ̀ niaa tosa hoo ndu yɔŋnun fúú? O bɛnda mò yɔŋnun fúú le.

Kalatea 3:1

Éé niaa Kalatea diɔmnda ha! Nɛɛ mangala yɛ dɔ́ɔ́ niaa kɔltan niŋ nuaa? Nduyɛ niaa o hɔl kpendekele naa n cɔm niaa sɔɛi Yeesu Krista nda baŋ o yɔm singafilaa coo-e ni.

1Korɛntea 15:2

Yoongu kɛndɛ kon ciindiaanin niaa ni, te la lo pɛ lecoo ɲɛkɛndɛi mɛɛ ya dimul niaa ndu yɛ. Kɛ te la lo lecoo le, laalan niaa siŋnun fúú.

Nsaŋ 15:6

Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ.

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Talelan 12:3

Vana tiwba simndan yili o kɔlvesɛiyo tosaa nin te, kɛ puundun vanaa sandaa mun connun isisi yili.

SƐBƐ YƆB-O 19:28

La co ɲunanndo aa: ‹Vɛ̀ɛ̀ naa n keí yɛ mì n bii Yɔb? Tàmá kuɛɛ naa n sɔla yɛnin le ndu kɔɔsallo?›

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

1Korɛntea 13:2

Hali i sɔla bɛɛ vallo le diom Hala-o tɛɛnguuo, mì sínà dɛnnda kɔndɔfiltan kpow, mì nɔ dɛnɛ sinaa kpede, i nɔ vɛlɛ bɛɛ laalanndo háá mì faŋa pembon o fonda n co-o, te i nɔ kaola o kɔl te, mɛɛ i co ɲɛ-ɲɛ le.

Marke 6:20

kani Herɔde va Nsaŋ vou, bau o va sinaa maa vana sandaa a vana diandaa Nsaŋ va ni, o va ndu vɛlɛ kandaa. Telen oo telen ndóò yaŋ pɛ Nsaŋ nilan, kɔllo ndóò laasian ndu. Kɛ nduyɛ, ɲɔɔ pila ndóò hɛnan ndu le ndu yaŋnɔnndo ni.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

Luke 8:12

Kulun deli o nɛiyo lekɔɔ-on, mun co vanaa tuɛi sɔɛi Hala-e-a ni, kɛ mí masa ɲinaa vɔɔnda hun soli ndi nda o lakɔl, haliko a laalan mà sɔla cindaa le.

Luke 8:14

Yɛi del o yɔɔn nin-ndo, ndu co vanaa tuɛi sɔɛi Hala-e-a, kɛ mí buulanndan, yeemɛi bolofaa a yeemɛi ceende pia nda o lakɔl, a kum ndɛ komɔɔ kɛndɛ le-a ni.