Luke 7:46 - BII BILA

⁴⁶ A dow cuɛima cun kɛndɛ a o lebol te. Kɛ ndu ndu, mó dɔaw ya cuɛima cun kɛndɛan o lebol.

Luke 7:46 Referans Kwoze

Condii lisai 23:5

A co ɲɛdiaa sɔvɛɔ toosiaa le ya yaamɔaa nia o hɔl, a co ya cuɛiyan suuo o lebol, taala kólaa nuu co piɔu háá mò va coŋndo.

Vana Kɔlkaloo 9:8

Vá ɲɛ cuɛiyan kɛndɔɔ vownɔnndo lɔ́ɔ́-lɔ́ɔ̀, pɔɛɛnun le cuɛima cun kɛndɛan suunɔnndo o lebol te.

Matie 6:17

Kɛ nɔm, taa va pɛ sumndo biyɔɔ, pulu hɔlla, mà suinun cuɛima cun kɛndɛan o lebol,

Daniɛl 10:3

I ve ɲɛdiaa hɛnan ya-o dio le, i ve n visi dio le, i ve mamɔi kolɔɔ le, i ve vɛlɛ macuɛi suunɔn te, háá mí lɔ́ɔ́la yáálan la cuu.

Condii lisai 104:15

mɔiyan ma co nda ɲaaloo yɔngoo, cuɛiyan ma co nda hɔlla mingio ŋɛlɛngi-ŋɛlɛngi, baloo co nda kɛndia yɔngoo o n'dial.

2Samiɛl 14:2

Mí Yoab viam vanndo vanalanɔ kɔlkaloo pum kɔɔli Tekoa, mó dimul ndu aa: «Vownun volɔɔla biisilan, suínùn cuɛima cun kɛndɛ le, ma tosa maa vana biisi komal, maa vanalanɔɔ cii palɛi taw o vana ndɔ vi-o caŋndo nin-ndo n co ni.

Ruti 3:3

Lelan pulun, mà suinun cuɛiyan, mà vownun volɔɔla nɔmnda hiow naŋɔɔ lan, mà kɔɛ o kpele lɔaa n'mal kon coo. Kɛ nduyɛ, keleŋa ndu fula o hɔl te. Mɛɛ mò cii fɔlɔn dioo a kolɔɔ.

Misee 6:15

La saŋnin, kɛ la kuwnin te, la pesinin oliveon, kɛ la solinnin kpeku a macuɛi le, la vɔɔciaanin rɛsɛnndon, kɛ la kolnin mɔima ndɔan te.

Amɔs 6:6

La co mɔiyan kolɔɔ a taalala humanndan. La co cuɛima kɛndɛ-kɛndɛan suunɔnndo, kɛ la co buulan le dɛnɛ palaa co polale Yosɛf len mɛngɛlaa-o le.

2Samiɛl 12:20

Mí David can ihini lɛŋ, mó pulun few, mó suunun cuɛima cun kɛndɛan, mó mangalan volɔɔlan lekɔɔ. O kon kɔɔli, mó kɔa o Cɛi-Mɛlɛka-o nin le Hala piɛiyo. Mɛɛ o muungu o ndu lo, mó ɲuna ɲɛdiaa, má ke ndu, mó dia.

Luke 7:47

Mì dimul nɔm, kaola bɛndu o cɔm-ndo cɔm maa hakila ndɔla sɛ́lɛ́ bɛndulan la malnun haki. Kɛ vana nda mal pɛ haki ɲɛ-pɔmbɔ, ndu cɔm kaolaa ɲɛ-pɔmbɔ.»