Luke 7:41 - BII BILA

⁴¹ Mí Yeesu dimi aa: «Vanndo pum yɔngu vannda nda ŋiɔn volion kueo ni. N va vana pilɛ kuee volin latámán kɛmɛ leŋuɛɛnu, o pilɔɔ ndu n va ndu kuee beleŋuɛɛnu.

Luke 7:41 Referans Kwoze

Luke 7:47

Mì dimul nɔm, kaola bɛndu o cɔm-ndo cɔm maa hakila ndɔla sɛ́lɛ́ bɛndulan la malnun haki. Kɛ vana nda mal pɛ haki ɲɛ-pɔmbɔ, ndu cɔm kaolaa ɲɛ-pɔmbɔ.»

Rɔmnda 5:20

Nduyɛ, tɔŋndo ndu hin, haliko mi yɔŋ vɔɔndo kui, kɛ nɛɛ yɔŋ vɔɔndo kui pɛ, lon kɛndɛi Hala-e ndi hiaw kuiyo ni.

Matie 18:28

Vana baala kon fulaa, mó komal caan ndɔ pilɛ, ndu bɛɛ vana baalaa o va ni maa ndu, o kuee ndɔɔ va volion ɲɛ-pɔmbɔ daama-o. Mó bii ndu, mó ŋɔaw ndu bololan, mó dimi aa: «Fɔ ma sala kuee nuu.»

Matie 6:12

Mal naa haki le tɛɛmbuula naalan, mɛɛ naa bɛɛ n mal vanaa tɛɛmbuu a naa-a haki yɛ.

Rɔmnda 3:23

Kani vanndacieea kpow a tosa hakio, má fola biilu Hala-o.

Luke 11:4

Mal naa haki le hakila naalan, kani naa bɛɛ, n co vanaa-vanaa co tɛɛmbuuo a naa hakio malɔɔ. Mal naa mì n del o dɛɛniaa nin te.»

Luke 13:4

N'van tɔ́ a vanaa ŋɔmaa cɛi coocoo vilɛiyo del coo Siloe, mó diw nda-a yɛ, la laalan maa nda yɔŋnun vanaa yɔŋ vɔɔnda hiovɔɔ vanaa tɔ̀a Yerusalɛm coo ni?

Luke 12:48

Kɛ te buɛiyo sina hɛnan vana ndɔ bɛndoo le, mò tɛɛmbuu, ndu sɔlanin lɔɔ bɔɔ le. Vana nda ke pɛ taw, a ɲuna ndu taw. Vana nda yɔngu yɛ pɛ ɲɔɔn taw mandaa, a ɲuna ndu vɛlɛ taw-taw.»

Yeremi 3:11

Mí Mɛlɛka dimul-la aa: «Israɛl lo o lediom coo loo hiow sandei a Yuda muluanndo.

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Kundalan 27:3

«O lɛŋnde veselɛilen nin fuɲa naa vi ni, kɛ o ve o kunda Kore simul Mɛlɛka-o nin te. Le tɛɛmbuu ndɔ ndu pilaa o vi ni, kɛ o mɛi hɔ́ɔ́ piaandu le.

Marke 6:37

Mí Yeesu mulul nda aa: «Niaa pila ke nda ɲɛdiaa.» Kɛ má mulul ndu aa: «Mò va maa n kɔ piondu buloo a volin latámán kɛmɛ lediin, mì n hun ke nda ni?»

Luke 7:40

O kon mí Yeesu cua sɔɛi, mó dimul Faliisinɔ kon aa: «Simɔn, i yeema mì dimul nɔm isɔɔ.» Mí Simɔn muli aa: «Soo, Kɔɔfa!»