Luke 7:22 - BII BILA

²² O kon kɔɔli, mó mulul kiilaa Nsaŋ vem kan-nda aa: «La kɔ dimul Nsaŋ ɲɛ niaa ce mì la tuɛi-yo: vanaa sumɛiya co cɔu, namtaa co kɔlan, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co tendullo, Yoongu Kɛndɔɔ co vanaa bala fondoa tiiyalanndo.

Luke 7:22 Referans Kwoze

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Matie 21:14

Mí vanaa sumɛiya a namtaa a sɔɔnguu ndu ikɛi o Cɛi-Hala-o nin, mó singi nda.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Luke 7:21

Yeesu va vanaa lanàà bɔɔ-bɔɔ singio o telen kon, namtaa a vanaa ɲina vɔɔndo va kɔɔli-a, mí vanaa ve cɔ le-a taw a ca.

Sofoni 3:12

I mɛinin vanaa tuisiannda a vanaa bala fondoa yoomu niaa tɛɛn, á nuwviaanin nɛɛ viannannda o ya Mɛlɛka nin-nda pɛɛn.

Yeremi 31:8

I co nda cua o lɛŋnde maluaŋnden mì mingi nda, mì cuungiaa nda fulaa o lɛŋii levil-ville nin. Vana-vana vanin ndon: vanaa sumɛiya a namtaa, komsaa a vanaa lafolia, sɛ́lɛ́ bɛndoo pila nda cuungiannin ndon ni.

Esai 43:8

La soli vanaa sumɛyaa nɔ kan hɔltan-nda, mì la soli vanaa nɔ vɛlɛ kan nilan kɛ a tui a lan te-a.

Esai 42:16

I yaanin vanaa sumɛiya o nɛi nda sina loo coo. I yaanin nda o pemama nda sina le-an coo. I mangalanin ɲumndan ɲɛ-tengaa nda o hɔl. I siinguunin kpolonndan dɛngbɛla tɛlɛlan. I tosanin dɛnnda lan kpow, o kɛ́-kɛ̀ i mɛinin le tosaa le.

Condii lisai 146:8

Mɛlɛka co vanaa sumɛiya hɔltan kumbio, o co vanaa co a tundan-nda mingio isisi, o kaola vanaa sandaa.

SƐBƐ YƆB-O 29:15

Ya va hɔlta vana sumɛiyo ni, ya va pelun vana bɛvɛiyo ni.

Dɛnnda kiilaa 8:7

Nduyɛ, ɲinaa vɔɔnda va vanaa bɔɔ-bɔɔ fulaa nin a yeelan, mí vanaa falun vílɛ́iya a namtaa taw a sɔla siongɔɔ.

Nsaŋ 1:46

Mí Natanaɛl ɲuna ndu aa: «Ɲɛ kɛndɔɔ nɔla pá fulaa Nasarɛt?» Mí Filipe mulul ndu aa: «Hun mà ce.»

Matie 11:5

vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

Luke 7:23

Dɛnɛ kɛndɔɔ co le vana melnin laalan ndɔɔ le ya loo.»