Luke 7:16 - BII BILA

¹⁶ Mí siòònde bii vannda kpow, má mel Hala balika, má dimi aa: «Vana-tɛɛngaa-diom Hala kaamaa hin o naa lo», má dimi vɛlɛ aa: «Hala hin vanaa ndɔa mala!»

Luke 7:16 Referans Kwoze

Luke 7:39

Faliisinɔ óò veelu ndu-o cɔu dɛnɛ kon, mó yiyan o kɔl ndɔɔ nin aa: «Te vana-tɛɛngaa-diom Hala-o langbanɔɔ ho ndóò va ni, o va sina vana súú cua co ndu piilianndo-o co-o, o va sina maa vana lahakio o co ni.»

Matie 9:8

Sɛ́lɛ́ va lon-ndo cɔu dɛnɛ kon, mí siòònde bii nda, má biilu Hala le vanndacieea kpaaya vaa lende yɔngoo.

Luke 1:68

«Biiloo co le Mɛlɛka, Hala Israɛlla pɛɛn, kani o mala vanaa ndɔa, mó baŋa nda.

Yeremi 33:9

O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»

Luke 5:26

O kon mí kɔndɔfillo bii vannda kpow, má candu Hala. Mí siòònde bii nda taw, má dimi aa: «N ce hau dɛnnda naa n dema cɔ le lan.»

Luke 2:20

O kon kɔɔli, mí vanaa mandaa n'saa muungun. A va Hala biiloo, ma va ndu candɔɔ le dɛnnda nda tuei má ca lan kpow, mɛɛ mɛlɛkanɔɔ ndóò dimul nda yɛ.

Luke 1:65

Mí siòònde bii vanáà balu nda-a kpow, mí tɔ́ɔ́ kon tiw o lɛŋnde n'pembule Yuda len nin sɔ́.

Matie 21:11

Mí sɛ́lɔ́ɔ́ va mulio aa: «Yeesu ni, vana-tɛɛngaa-diom Hala-o, o fula Nasarɛt o tàndá Kalile-o nin-ndo!»

Matie 15:31

Lɔ́ɔ́ sɛ́lɛ́ bɛndu kon ce boboa sɔɛi, vanaa falun vílɛ́iya siongɔɔ, namtaa kɔlan sakpo a vanaa sumɛiya cɔu-vo, mí kɔndɔfili bɛndoo bii nda, má candu Hala Israɛlla.

Condii lisai 65:9

Siòònde bii vanaa co o lɛŋnde mɛɛlulan-nda le dɛnnda kaamaala nɔmndan. Vanaa co ba paalen le can-ndo-a a vanaa co ba paalen le del-lo-a a co yondaa a kɔlkɛndɔɔ.

Fulaa 4:31

Má laalan kpow, má sina pɛngu maa Mɛlɛka ce mɔnɛi nda co nin-nde, mó hun le nda baŋaa. O kon mí nda kpow baŋ vulan, má hini Mɛlɛka o labɛngunin.

Kalatea 1:24

Má va Hala biiloo a ya o kɔɔ.

Dɛnnda kiilaa 5:5

Ananias tueyɔɔ sɔɔn mun, mó del, mó vu. Mí siòòŋii bɛnduei bii vanaa tuei dɛnɛ kon-nda kpow.

Nsaŋ 9:17

O kon má muungu, má ɲuna vɛlɛ vana va kon o sumɛiyo-o aa: «Nɔm niko, vɛ̀ɛ́ n yiyan yɛ a langbanɔ kumbi nɔm hoo hɔltan-ndo?» Mó muli aa: «Vana-tɛɛngaa-diom Hala-o o co ni.»

Nsaŋ 6:14

Vanaa kan cɔu dɛnɛ kaamaa Yeesu tosa kon-ndo, má dimi aa: «Vana-tɛɛngaa-diom Hala bɛnda le hunɔɔ o ceendo coo-o kpeekpei co hoo ni.»

Nsaŋ 4:19

Mí vuɛɛndo dimi aa: «Maalii, i ce maa vana-tɛɛngaa-diom Hala-o n co ni.

Nsaŋ 1:25

Má ɲuna ndu aa: «Le yɛɛ n co yɛ niko vannda yinɔɔ, nɔm yɛ a co Krista le, a co Elii le, a co yɛ vana-tɛɛngaa-diom Hala-o le?» Mí Nsaŋ mulul nda aa:

Nsaŋ 1:21

Má ɲuna ndu aa: «Nɛ̀ɛ́ n co yɛ? Mò va maa Elii n co ni?» Mó dimi aa: «I co Elii le.» Má ɲuna ndu aa: «Mò va maa vana-tɛɛngaa-diom Hala naa n co cumndo-o ni?» Mó muli aa: «Ɛ-ɛ!»

Luke 24:19

Mí Yeesu ɲuna nda aa: «Dɛnnda yɛɛ nɛ lan?» Má mulul ndu aa: «Ɲɛ yɔŋnun Yeesu fula Nasarɛt-o pɛɛn, o yɔŋnun Vana-tɛɛngaa-diom Hala kpaayaa-o, o cɔm kon o dɛnnda o tosa lan nin a sɔɔn o va dimi-on nin Hala o hɔl a vannda kpow o hɔl.

Luke 9:19

Má mulul ndu aa: «Vanaa pum co dimio aa nɔm co Nsaŋ Vana-yinaa ni, a pum yɛ aa Elii, a pum co vɛlɛ dimio aa vana-tɛɛngaa-diom Hala va sindɛ, mó tendul fulaa vanvílɛ́iya tɛɛn-ndo n co ni.»

Luke 8:37

O kon, mí vanaa va o tàndáá Serasenii nin-nda kpow a dimul Yeesu maa o faŋan o nda lo, kani siòònde va nda taw. Mí Yeesu luɛi o dɛ̀ndɔ̀ɔ́ nin le kɔnndan.

Luke 5:8

Mɛɛ Simɔn Piɛr ce ɲɛ yɔŋnun-ndo, mó del Yeesu o labɛngunin, mó dimul ndu aa: «Maalii, vana lahakio ya co ni, lelan faŋan ya ikɛi.»

Matie 28:8

O kon má keleŋa faŋan o sɛiyo, má muungu a siòònde a á ɲaale bɛndoo, má ɲaanun, má kɔ dimul kaandennda yoongu kon.

Dɛnnda kiilaa 7:37

Moise kon dimul vɛlɛ Israɛlla ni aa: ‹Hala vimnin niaa vana-tɛɛngaa-diom Hala-o, o co maa ya-o, fulaa o puapilɛa nia tɛɛn.›

Luke 19:44

À co kobi niaa tɛɛmbuu a vana-vana co lenin, hali powvo pilɛ a mɛinin o pow celen coo le, kani la sina tuma Hala hin o niaa lo le niaa malaa-o le.»

Tɔŋ miingua 18:15

O solinin vana-tɛɛngaa-diom Hala-o niaa tɛɛn maa ya Moise, o puapilɛa niaa tɛɛn o fulanin ni. Lelan, sɔɛi ndɔɛi niaa bɛnda le yaŋnɔnndo ni.

Luke 7:15

O kon, mí vana vílɛ́i kon cal, mó kandu sɔɛi. Mí Yeesu mingi ndu kala ndɔ o ba.