Biblia Todo Logo
Bib sou entènèt

- Piblisite -




Luke 7:12 - BII BILA

12 Telen o tiiya o dio luɛyaa kobi kon ikɛi-yo, mí vannda a va kɔlan vana vilɔɔ kumbɔɔ. Pole pilɛle vuɛɛn pɔnɔ ndɔ vi-o va kon ni. Vanaa va o kobi kon nin-nda a va vuɛɛn kalaa ikɛi sɛ́lɛ́ bɛndoo.

Gade chapit la Kopi




Luke 7:12
20 Referans Kwoze  

kani cuale ndɔle pilɛle ndóò nɔ len le va piɔ́mndo, ndóò nɔ nin vɔsilan tɔ́ a latiɔn. Telen Yeesu va kɔlan lon-ndo, mí sɛ́lɔ́ɔ́ va ndu ŋoviŋovio.


Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.


Mí Piɛr bii ndu baa, mó simi ndu. O kon kɔɔli, mó veelu niko vanaa laalannda a vanlaandua piaandaa ndaa vi-a, mó cɔm nda ndu.


Fɔ́ɔ́fɔ̀, mí Piɛr kɔa nda ndaa. Ndóò tiiyaa, má kɔa a ndu cɛinin o cɛi coocoo nin. Mí vanlaandua piaandaa ndaa vi-a kpow a kɔ balu ndu a caŋndo. Má cɔm ndu domalan a ɲɛ-ɲɛ celen Dɔrkas toosiaa lɔ́ɔ́ o va yoomu-o.


Yuifia taw a va hunɔɔ o Marte a o Mari lo, le nda yilɔɔ biisi yema nda-o.


Vannda kpow a va caŋndo mí mɔnɛi i va nda taw le cuaambɔ ndóò vi kon-ndo. Mí Yeesu kpaa nda aa: «La caŋ te, o vi le, o lɔan o co ni.»


I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.


Vanaa va piɔ́mndo-a va duaa ndaa mɛiyo ya coo, i va vanlaandu piaandaa ndaa vi-a kɔllo nɛŋio.


Mí buɛi kon cua poombɔɔ, mó kɔa a ndu o kala ndɔ lo. Mí kala ndɔ bii ndu o bɛngu, mó lo ndu o bɛngu háá a paale kalalen. Kɛ o kon kɔɔli, mí poombɔɔ vunnun.


Mí Elise dimul ndu aa: «A telenndo ho ɲinasiaŋ, a nɔnin hɔ́ɔ́ piaandoo o balan coo.» Mí cuaa dimi aa: «Ken i nɔla tosan te, vana ni bɛndoo! Nɔm vana Hala-o, hui ya buɛi nɔmndo le.»


Mí Elii cua niko poombɔɔ, mó toal a ndu, mó kɔ mingul kala ndɔ ndu. Mí Elii dimul ndu aa: «Má cè po nɔmndo! O muungu yoomu.»


Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»


Kɛ mí cua kalaa mɛnalan ndu po aa: «Le Mɛlɛka Hala nɔm co hoo yoomu-o, i nɔ bulu loamaa nanu le. Kpeyanndo baa ca daama ya nɔ nihau o bonyei nin ni a cuɛiyan ɲɛ-pɔmbɔ o kúŋndo nin. Yɔmnde ya hin tingɔɔ nuaa ni, mì kɔ toŋ ɲɛ tɔ̀ kon, mì n de naa po nuu, mì n cal piɔ́mndo cum.»


«Cɔn ma kɔɛ Sarɛpta, o lɛŋnde Sidɔn-nden nin, mà kɔ cal lon. I dimul vanalanɔ pɔnɔ ndɔ vi-o pum o ciee kon nin, mò kɔ va nɔm baloo dɔvɔɔ.»


O kon mí yungu nuu kpow toal-la kɔɔli aa mɛɛ mì ya mal vɛlɛ po ni dii kon po nuu pilɔɔ-o nda o ba mà dii ndu le diyɔɔ o dii ndu kon-ndo, aa a yeema vɛlɛ mà dii vana bɛnda le kɛ́ɔ cuaa-o. Te o tosan yɛ pɛ lende, mɛɛ kili bingi ya cal tiindanndo-o le cuulunin vɛlɛ kon mungén te? O kon, diola pɔnɔ nuu la ɲum, kani hɔ́ɔ́ ndɔ lo lɛnin yoomu o lɛŋnden nden coo le.»


Mí mɛlɛkanɔɔ dimul ndu aa: «Hol poombɔɔ baa le. Yɔŋ ndu ɲɛ-ɲɛ vɔɔn te. I sina nihau válán maa a nɔ siòòŋii Hala-e, kani a túŋ ya pole nɔmnde pilɛlen nden te.»


Mí Hala dimul ndu aa: «Cuá po nɔmndo, po nɔm pilɛ n kaola kon taw-taw-vo, Isaak pɛɛn, mà kɔɛ a ndu o lɛŋnde Moria len nin. La tiiya pɛ lon, a soli ndu sálà loamaa le ya o pembii ya cɔmnin nɔm-nde coo.»


O kon kɔɔli, mí Yeesu kɔa o cieo pum diolan Nain. Mí kaandeŋaa ndɔa a vannda sɛ́lɔ́ɔ́ a kɔa ndu kɔɔli.


Yeesu cɔu ndu, mí ɲííye bii ndu a ndu, mó dimul ndu aa: «Caŋ te.»


Swiv nou:

Piblisite


Piblisite