Luke 6:49 - BII BILA

⁴⁹ Kɛ vana-vana tuei pɛ sɔɔn nun, mò kela lecoo le, ndu vel langbanɔ baŋ cɛiyo o lɛŋnde bɔ́wlen coo, o kila ndu tum too. Kongilan láà lɔɔ ndu dɔ́ɔ́, mó komba, mó tambu kpow.»

Luke 6:49 Referans Kwoze

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Matie 23:3

Lelan, la bii sɔɔn nda co niaa dimullo-on kpow, mì la kela lecoo, kɛ la del kela ndaa kɔɔli le. Kani dimio nda caa ni, kɛ a tosa ɲɛ nda dimi-o le.

Talelan 28:18

Vana kela pɛ o sandei nin ndu sɔla cindaa. Kɛ vana co kelaa o nɛila tuunduanndan tan tiɔn coo-o ndu, te o del baa le, o del baa pilɔɔ.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Luke 12:47

Buɛi sina kon hɛnan vana ndɔ bɛndoo, kɛ o toosiaa ɲɛ-ɲɛ loo, o tosa vɛlɛ hɛnan vana ndɔ bɛndoo loo sɔlanin lɔɔ taw.

Luke 6:46

«Le yɛɛ niaa co yɛ ya veeloo aa: ‹Maalii, Maalii›, la co ɲɛ ya co niaa dimullo-o tosa le?

Marke 4:17

Kɛ nda pila nɔ n'puundu le, vanaa laalan le telen bingi-a co kan ni. Te sangaa te kon te yɛle tolaalen le komal nda dɔ́ɔ́ pɛ le sɔɛi Hala-e, ken siŋnun pow boŋaa le nda.

2Piɛr 2:20

Kani vanaa pum hɛlun dɛnnda vɔɔnnda ceenndan o Maalii naa a vana naa ciindiaa Yeesu Krista sinaa kɔɔli, kɛ taa muungu pɛ mà malnun dɛnnda lan o ba, mì la nɔla nda, ceen ndaa vɔwnin bɛɛ hiovɔɔ o tasoo coo.

1Tesalonikea 3:5

Lelan, le mɛɛ yáà tiw lɛ ba cum kon yulɔɔ le yɛ, mí viam Timote le kɔlan sɔɔn ɲuuniaa a laalan niaa o kɔɔ. I va buulanndo yɔŋii ɲina vɔɔndo ndóò tɔɔndan niaa, mì vali naa ndóò siŋnun fúú.

Dɛnnda kiilaa 26:11

Palɛi bɔɔ-bɔɔ, i va keiyo o cɛila lekaandan nin le vanaa laalaŋaa kan saangiaa, yáà yeema le nda baŋɔɔ mì ndáà mal laalan ndaa. Mɛɛ sɔɛi pala ya tei, mí va nda kɔlan kɔɔli o kobila isumial tan nin.

Dɛnnda kiilaa 20:29

Kani i sinà maa i faŋan pɛ, vannda hun luɛinin niaa tɛɛn maa mɛɛ tunaa yondoa luɛi kunda cɔlua tɛɛn a hɛli o kɛ́-kɛ̀ le yɛ.

Luke 19:27

Le yaamɔaa nia yɛ, áà yeema mì yáà sul masa nda coo le-a, la hun a nda nanu, mì la diw nda ya o hɔl.›»

Luke 19:14

Kɛ vanaa va o lɛŋnde ndɔlen nin-nda ndáà yeema ndu le. Má soli vannda, má kɔa ndu kɔɔli, má kɔ dimi aa: ‹N yeema mì langbanɔɔ ho tosa masalen naa coo le.›

Matie 24:10

Ken tosanin mì vanaa bɔɔ-bɔɔ a del, mà huinan, mà nɛɛnɛan vellaa-velle.

Osee 4:14

I saangiaanin cuavaa niaa laandua le tùú nda laasian a suunda-o le. I saangiaanin vɛlɛ laandaa poaa nia le tùú nda luɛi suundaa-o le. Kani nda pila vanaa-solia-lasálàá co yifanndo o kolokololan a vanlaandua suunndɛiya le ɲɛm dian sálàn piɔvanndo nda vanlaandua suundɛyaa co kɔlan o cɛila-halala ndalan nin-nda. Maa mɛɛ taloo dimin yɛ aa: ‹Mbɔ̀ vanaa nɔ sinapɛngu le-a nda tambu.›

Luke 6:48

O co macoaa maa langbanɔ co cɛiyo tangullo-o. Ndóò tovɔɔ soondo ɲɛkɛndɛi, mó kila ndu o pow bandíláà coo. Mí mɛnndan ma hun, mí kongilan la lɔaa cɛi kalaa, ma nɔla ndu kombaa le, kani ndóò caa tangulɔnndo.

Luke 7:1

Lɔ́ɔ́ Yeesu cii vannda sɔɔn mun kpow dimul-lo, mó muungu Kapɛrnaim.