Luke 6:45 - BII BILA

⁴⁵ Sɔɔn kɛndɛn co vanaciee kɛndɔɔ o kɔl-lon, mun o soli ceen ni. Sɔɔn vɔɔŋun co vana vɔɔndo o kɔl-lon, mun koni ndu bɛɛ soli ceen ni. Kani ɲɛ pia vana o kɔl-lo, ndu sondoo dimi ni.»

Luke 6:45 Referans Kwoze

Talelan 4:23

Manda kɔl nɔmndo hiovɔɔ ɲɛm tɔ̀un kpow coo, kani lon yoomu nɔmndo cɛn tum ni.

Efɛsea 4:29

Sɔɔn vɔɔnndon bɛnda mì n va niaa fulaa o lasondo le. Sɔɔn kɛndɔn kínɛí n fula niaa o lasondo ni, n nɛŋi mako-on, n luei caanda yoomuan-ndon, haliko mi vanaa co niaa nilan yaŋɔɔa sɔla dɛnɛ kɛndɔɔ lenin.

Nsaŋ 7:38

Vana laalan ya pɛ, peela mɛmma cindan la piɔlnin ndu nin maa mɛɛ o Sɛvan yɛ.»

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Condii lisai 59:12

Nɔm Maalii, nɔm co kɔɔ cɔwvo le naa-o, dii nda le, yɔŋii yungu nuu pɔɛɛnun nɔla nɔmndo. Hiiluu nda a kpaaya nɔmndo, mà deli.

Kolɔsea 4:6

Sɔɔn nian bɛnda mì n va lɔ́ɔ́-lɔ́ɔ̀ sɔɔn cuu vana dɛnɛ kɛndɛ-on, mì n yeela o tueyɔɔ, haliko mi la sínà mɛɛ niaa bɛnda le vana-vana mulullo yɛ.

Talelan 12:18

Mì vana tombola fondo-fondoo boli vana a tombola ndɔɔ maa a mɔɛi cɔw. Mɛ sɔɔn fula vana kɔlkaloo o sondo-on, maa kooma singiaa n co ni.

Hebreea 8:10

Kani kpema va naa tɛɛn naa cuavaa Israɛlla-o va hoo ni aa: ‹Palɛi ken hiow pɛ, i vownin tɔŋnda nilan nda nin, mì sɛva vɛlɛ lan nda o lakɔl. I vanin Hala ndaa, mì nda va vanaa nia.

Efɛsea 5:19

La lueinan yoomuan vellaa-velle a condun lisan, condun kɔllon a á condun vana sangala Mɛlɛka-on, n co fulaa Kɔl-Diandaa o ba-on. La solùl Mɛlɛka condun kɔllon, mì la sangala ndu a kɔlta niaalan kpow.

Talelan 15:23

Vanndo yala pɛ sɔɛi caa muli o dɔwnun ɲaale. Sɔɛi naŋ dimio o telen bɛnda-o.

Condii lisai 140:5

Mɛlɛka, mal-la vanaa yɔŋ vɔɔnda o ba le, kanda ya le vanaa kɔlvesɛiya, a co kan yiyanndo le ya malɔɔ daama-a pɛɛn.

Condii lisai 59:7

Icɔl, a muungu a pɛɛliaa a yolɛi maa n'tun, à cɛn à balu cieo sɔ́.

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Yude 1:15

le yamɛi vannda kpow kiolɔɔ, le vanaa lahakia kpow sangaa tuisio coo le dɛnnda vɔɔnnda kɛ́-kɛ̀ nda tosa má simul Hala, a le sɔɔn vɔɔŋun kɛ́-kɛ̀ vanaa nɔ kan lebɛɛ le-a dimi a ndu Hala-on.»

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,