Luke 6:4 - BII BILA

⁴ Ndóò luɛyɔɔ o Cɛi-Hala-o nin, mó cua bulu va o kɛsiaa landɔ le Mɛlɛka-o, mó dia, mó ke vanaa va ndu kɔɔli-a o pum. Nduyɛ, o bɛnda mì vana-vana óò de ndu le, fɔ vanaa-solia-lasálàá.»

Luke 6:4 Referans Kwoze

1Samiɛl 21:6

Mí David dimul ndu aa: «O co ka o laan daama le, lɔ́ɔ́-lɔ́ɔ̀ naa n va pɛ kɔlan o cɔwvo, n mɔɔsa kpele a vanalanɔ le. Handɔɔ o kon coo, ɲɛm cɔvun langbaa nia kpow n'diandan n và ni. Lelan o va bɛɛ maa o co cɔw diandaa le cɔw naa n hin tosaa-o co le, ɲɛm cɔwvon co ndu dindi.»

Matie 12:4

Mɛɛ o luɛi o Cɛi-Hala-o nin, mó dia bulu sálà va o kɛsiaa-o nda vanaa va ndu kɔɔli-a. Nduyɛ, fɔ vanaa-solia-lasálàá daama ndáà bɛnda le bulu sálà kon dioo ni, David a vanaa va ndu kɔɔli-a ndáà bɛnda le ndu dio le.

Luke 6:5

Mó dimul nda vɛlɛ aa: «Po vanacieo co paale pɛngiaalen bollen ni.»