Luke 6:38 - BII BILA

³⁸ La ke caanda, haliko mi niaa bɛɛ sɔla o keo. A tuululnin niaa ɲɔɔn ɲɛkɛndɛi o bɔlɔla domala niaalan nin. Hiiluu, mà diŋila, mì n coŋ, kani o ɲɛ niaa co tuuvo nin-ndo nin nda tuulunin niaa ni.»

Luke 6:38 Referans Kwoze

Tɔŋ miingua 15:10

Lelan, la bɛnda mì la yɔngu ndu ɲɛ o nɔ makoo-o a kɔlkɛndɔɔ, o va a kɔl tambɛi le. Te la yɔngu pɛ ndu a kɔlkɛndɔɔ, Mɛlɛka Hala niaa dɔw niaa duaa o kpekula niaalan kpow nin a o ɲɛ-ɲɛ niaa vanin tosaa kpow nin.

Marke 4:24

Mó dimul nda vɛlɛ aa: «La mandan a ɲɛ niaa co tueyɔɔ-o. A tuunin niaa a ɲɛ niaa co tuuvo-o, mà cɔɔlu vɛlɛ handɔɔ lecoo.

Matie 7:2

Kani yamɛi niaa co caanda kilullo-e kilulunnin niaa ni. A ɲɛ niaa co tuuvo nda tuunin niaa ni.

Talelan 22:9

Vana tosal vannda kɛndɛiyo-o sɔlanin duaa, le tùú o co vana bala fondoo balo ndɔɔ keo-vo.

Talelan 19:17

Vana ke pɛ vana bala fondoo ɲɛ, mɛɛ Mɛlɛka o dɔnda ni. Nduyɛ Mɛlɛka salanin dɔndɔ kon.

Talelan 10:22

Duaa Mɛlɛka-o kínɛí siinguu vana vana bolofaa ni. Kindikindin vanacieo cɔɔlu ɲɛ-ɲɛ lecoo le.

Matie 10:42

Mì dimul niaa toɲaa, vana-vana ke pɛ cuaambɔa ha o pilɛ hali mɛmma ɲuluan taala kólaa ca le tùú o co kaandennɔ nuu-o, vana kon folanin vɔ̀ngɔ̀ ndɔɔ le.»

Luke 6:30

Vana-vana piɛi nɔm pɛ, a yɔngu ndu. Vanndo cua pɛ ɲɛ nɔmndo, ɲuna ndu le nɔm ndu mingul te.

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

SƐBƐ YƆB-O 42:11

O kon, mí puapilɛa ndɔa, a laandua, a piaandua a vanaa ndáà siinian-nda kpede a kui dɔ́ɔ́ o Yɔb lo. Má dia ɲɛdiaa nda ndaa latulu, mí nda kpede cɔm ndu maa a kaola ndu. Má ɲɔɔlu ndu le dɛnɛ palaa kɛ́-kɛ̀ kei ndu coo, dɛnɛ palaa Mɛlɛka pila tuisi ndu coo-o pɛɛn. Mí vana-vana ke ndu volii humbei ipilɛ a kelɛi isianiei ipilɛ.

Condii lisai 79:12

Maalii, vanaa súúla celeŋaa balu naa-a tiŋ nɔm! Mingul nda màá háá bɛmbɛ leŋɔmmɛw le yeowla nda yeow nɔm lan-ndan.

Ɛstɛr 9:25

Kɛ mɛɛ Ɛstɛr fula masaa o hɔl, mí masaa sɛva le dɛnɛ vɔɔn Haman ndóò tuu kon le Yuifia tuisio coo-o mingio ndu pila o lebol, má landu ndu o yɔmndo nda poaa ndɔa.

Masaa kialaa n'yamaa 1:7

Mí Adoni-Besɛk yonda coocoo aa: «Masaa belaŋɔmmɛw, a nda kili suon bɛndun laban a suon bɛndun labɛngon-nda va kúúon cɔwviaa nɛɛ yáà dia ɲɛdiaa-a ni. O ya tosa-o, ndu kpafii Hala mingul-la nuaa ni.» Má kɔa a ndu Yerusalɛm, lon o kɔ vu ni.

Ɛstɛr 7:10

Má kɔ landu Haman o yɔm ndóò toosiaa kon le Mardosee-o. O kon mí masaa ɲulul kɔl.

Yeremi 32:18

A tosal vanndacieea dɛnɛ kɛndɔɔ háá o lambi vaa pilɛndɔɔ, kɛ te kala-ncuawva tosa pɛ hakio, a tuisi cuavaa ndaa sangaa coo le tɛɛmbuu kon. Hala co o bɔɔ-o a Hala kpaayaa n co ni, diola nɔmndan aa: ‹Mɛlɛka-Nɔ-Kpaayaa-Kpow-vo.›

Fulaa 21:24

Vana pɛl pɛ vanndo hɔlten, ndu bɛɛ a piɔl ndu hɔlten. Vana bɛŋi pɛ vanndo ciŋnde, ndu bɛɛ a bɛŋi ndu ciŋnde. Vana yem pɛ vanndo baa, ndu bɛɛ a yem ndu baa. Vana yem pɛ vanndo pelei, ndu bɛɛ a yem ndu pelei.

2Samiɛl 19:36

Vɔsilan belaŋɔmaa ya nɔ nin nuaa ni. Vɛ̀ɛ̀ i nɔla lɛ pá dɛnɛ kɛndɔɔ a dɛnɛ vɔɔndo sɛiyo? I tui lɛ bɛɛ ɲɛm dian ya co dioo-on a ɲɛm ya co kolɔɔ-on yeelaa le. I tiw lɛ ba hiyanndo sinaa diomnda vanpiaandua a diomnda vanlaandua co condei-ya tɛɛn te. Le yɛɛ ya kɔa yɛnin vɛlɛ calle masaa o bɛngu coo?