Luke 6:35 - BII BILA

³⁵ Kɛ la kaola yaamɔaa niaa, mì la tosa dɛnɛ kɛndɔɔ, la dɔnda vannda, la yiyan le niaa mingul te. O kon, vɔ̀ngɔ̀ niaa vanin o bɔɔ, la siŋnunnin vɛlɛ Poaa O Hiow-Ɲɔɔn-Kpow-vo, kani vana kɛndɔɔ o co le vanaa sina ikɛndɛ le-a a le vanaa vɔɔnda ni.

Luke 6:35 Referans Kwoze

Nsaŋ 13:35

O kon, te la kaolian pɛ vellaa-velle, vannda kpow a sina maa kaandeŋaa nia niaa co ni.»

Talelan 19:17

Vana ke pɛ vana bala fondoo ɲɛ, mɛɛ Mɛlɛka o dɔnda ni. Nduyɛ Mɛlɛka salanin dɔndɔ kon.

Condii lisai 145:9

Vana kɛndɔɔ Mɛlɛka co le vanndacieea kpow ni, o kaola ɲɛm o cɔw-von kpow.

Talelan 22:9

Vana tosal vannda kɛndɛiyo-o sɔlanin duaa, le tùú o co vana bala fondoo balo ndɔɔ keo-vo.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Condii lisai 112:5

Vana sɔvɛɔ nɔ ɲííye, a kɔlkɛndɔɔ o dɔnda vana ɲɔɔ ni, mò bii tɔŋndan o dɛnnda ndɔlan nin.

Nsaŋ 15:8

La yɔngu pɛ komɔɔ kɛndɔɔ taw, mì la siŋnun kaandeŋaa nia, Fuɲa nuu sɔla biiloo.

Condii lisai 37:26

Lepalaa-lepala vana sandaa co vannda kɛndɛi tosallo, o co nda ɲɔɔn dɔndaa. Duaa cuavaa ndɔa siŋnùn ni.

Dɛnnda kiilaa 14:17

Kɛ nduyɛ, Hala co niaa dɛnnda kɛndɛlan tosallo lɔ́ɔ́-lɔ́ɔ̀: kani o co niaa piɔɔ tuisullo fulaa o halataala o telen bɛnda-o, o co niaa vɛlɛ baloo yɔngoo mì kɔlta niaalan la va piɔu a ɲaaloo.»

Luke 1:32

O vanin vana bɛndoo, a veelunin ndu aa Po Ó-Hiow-Ɲɔɔn-Kpow-vo. Mɛlɛka, o co Hala-o yɔngunin ndu kpɛŋɛ lemasa David fuɲa ndɔ mamaa-o.

Marke 5:7

mó deŋi kpélén aa: «Le yɛɛ n co yɛ ya kɔɔli, nɔm Yeesu po Hala-Hiow-Ɲɔɔn-Kpow-vo? I co nɔm ɲɔɔlu, tosa le Hala, luei ya imɔnɔ le.»

Condii lisai 58:11

Vana sandaa dɔawnunnin ɲaale, kani o canin Hala vanaa kɔlvesɛiya màá mingullo, o kon mò kela o kooma ndan nin.

Matie 5:9

Dɛnɛ kɛndɔɔ co le vanaa yɔngu kɔlɲuloo-a, kani a sɔlanin veeloo aa cuavaa Hala-a.

Luke 6:36

La va vanaa iɲííya mɛɛ Fuɲa niaa co vana iɲííyo yɛ.»

2Timote 3:2

Kani vanndacieea kaolannin nda pila, mà kaola volion. A vanin vanaa heelannda, a vanaa yongaa. A vanin sɔɔn tanan dimio a Hala o kɔɔ. A venin sɔɔn vanaa velu nda-a biyɔɔ le, a venin vanaa sinaa ikɛndɛ le, a kenin ɲɛm diandan Hala-on lebɛɛ le.