Luke 6:29 - BII BILA

²⁹ Te vanndo lɔɔ nɔm pɛ kpaŋnde, a mulul ndu vɛlɛ ipilɛi. Te vanndo cua pɛ doma nɔm bɛndoo, kuuna ndu o lebɛngoo cuaa le.

Luke 6:29 Referans Kwoze

Hebreea 10:34

Mí mɔnɛi bii niaa niaa vanaa kaasoa latulu, mí la cɛl a ɲaaloo le niaa ɲɛm nian poondiaa o laba, kani la sínà maa la nɔ ɲɛm hiow naŋɔɔ-on, n co le fɛɛn a fɛɛn-ndon.

2Korɛntea 11:20

Vannda co niaa cɔu maa n'cɛ, a co tɔnɔ niaa dioo, a co niaa ɲɔɔn poondia o laba, a co niaa kuundianndo coo, mà va niaa hɔlla lɔɔ, mì co kon cɛlɔɔ.

1Korɛntea 6:7

Kɔɔsɔla co lan niaa vanaa laalannda tɛɛn-ndan la cɔm ni maa la cuu delɔɔ. Te caan nɔm tosal nɔm pɛ sandii lepɛŋnde, le yɛɛ nɛ mà kɛɛ biuvɔn lende? Te o ciimbuu nɔm pɛ, le yɛɛ nɛ mà kɛɛ malɔɔ lende?

Nsaŋ 18:22

Mɛɛ Yeesu dimi lende, mí vana pilɛ o kpalilaa cumulaa va lon-nda tɛɛn soli baa, mó lɔaa ndu kpaŋnde, mó dimul ndu aa: «Nuaa n mulul bolle vanaa-solia-lasálàá ni?»

Matie 26:67

O kon kɔɔli, má tufu ndu lɔluan o hɔl, má kuindikuindi ndu. Mí vannda pum lɔaa ndu kpaŋnde, má dimul ndu aa:

Cɛɛŋɔnnda Yeremi lan 3:30

O bɛnda mò tɛilu vana co ndu lɔɔ-o kpannde, mò pim siɛmbula nda co ndu tuisio lan.

Esai 50:6

Mí mal kɔɔ nuu vanaa va ya lɔɔ-a o ba, mí mal kuula nilan vanaa va ya siaiye suingio-a o ba. I vin vanaa va ya bɛ̀ɛ̀lan tɛɛmbuuo-a, a vanaa va ya lɔluan tufɔɔ o hɔl-la hɔlaa niaa le.

1Korɛntea 4:11

Háá telenndo ho, yiaan ma co naa nɛiyo, kolɔɔ bii naa, n nɔ volɔɔla cuɛinan te, a co naa lɔɔ, a co kɔlan a naa nɛɛ-nɛɛ ka.

Luke 22:64

Má yii ndu hɔlla, má va ndu ɲunaa aa: «Cɔm naa vana lɔɔ nɔm-ndo.»

Dɛnnda kiilaa 23:2

Mí Ananias bolle vana-solia-lasálàá dimul vanaa va Pol ikɛi-ya le ndu Pol sondoo lɔɔ.

Misee 5:1

Éé nɔm Bɛtlɛhɛm Efrata! À co bɛɛ ciee pɔmbɔ o cieon co o tàndá Yuda-o nin-ndon kpow tɛɛn nuaa, kɛ o nɔm nin ya solinin vana bɛnda mo tosa masalen Israɛlla kpow coo-o ni. Vana kon pɛn, ó fula o yungu kɔɔlima ndɔan ma kandun kabi sindɛ-sindɛ-o nin-ndo.

2Dɛnnda lemasalan 18:23

Fɔ́ɔ́fɔ̀, mí Sedekia po Kenaana-o sɔɔnguu, mó lɔaa Misee kpaŋnde, mó ɲuna aa: «Vɛ̀ɛ̀ kpeekpei yiyan Mɛlɛka-o fula yɛ ya nin le nɔm sɔɔn mun dimullo?»

2Samiɛl 19:30

Mí masaa dimul ndu aa: «Le yɛɛ nɛ n co yɛ vɔ sɔɛi o dɛnɛ kon coo? Nuaa ya dimi ni aa ‹La kɔ piɔvan lɛŋii Saul-le niaa Siba.›»

Luke 6:30

Vana-vana piɛi nɔm pɛ, a yɔngu ndu. Vanndo cua pɛ ɲɛ nɔmndo, ɲuna ndu le nɔm ndu mingul te.