Luke 6:25 - BII BILA

²⁵ Dangaa co le niaa co pumndo sunsun-nda, kani yiaan ma nɛinin niaa. Dangaa co le niaa co mamɔɔ-a, kani mɔnɛi biinin niaa mì la can.

Luke 6:25 Referans Kwoze

Esai 65:13

Lelan, nuaa Maalii Hala soo ni aa: La tuei-yɔ, vanaa niaa baalaa vanin ɲɛdiaa dioo, niaa niaa, yiaan ma vanin niaa nɛiyo, vanaa niaa baalaa vanin kolɔɔ. Kɛ niaa, la vanin a bolola vesɛilan, vanaa niaa baalaa nda vanin ɲaaloo dɔwnɔnndo, kɛ niaa niaa, siɛmbulan la vanin niaa coo.

Nsaki 4:9

La sínán kɔɛi niɛi. Mɔnɛi bíí niaa, mì la caŋ. Mamɔɔ niaa bɛnda mò siŋnun mɔnɛi, mì kɔlkɛndɛ niaa siŋnun kɔl tambɛiyo.

Talelan 14:13

Mamɔɔ n'ciŋndo nɔla mò kumbu dɛnɛ palaa co o kɔllo nin-ndo. O mɛɛlulan, ɲaale kon siŋnun mɔnɛi.

Dɛnnda cɔɔmuanndan 3:17

Kani a co dimio aa: Vana bolofaa ya co ni, i pɛ a bolofaa taw, i hew lɛ ba a ɲɛ-ɲɛ le. A co sínà maa a cuu dikpilan te? Kuɛi, bala fondolan, sumaa a fɛ́lio tol nɔm coo.

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Efɛsea 5:4

O bɛnda vɛlɛ mi sɔɔn vɔɔnndon, sɔɔn diɔmndon, te kon te sɔɔn nɔɔlɛiyon n fula niaa o lasondo le. Kɛ la sínà kɛndɛi Hala-e mì la va ndu balikaa mello.

Luke 13:28

O kon la caŋnin mì la sɔm ciŋndon, telen niaa canin Abraham, Isaak, Yakɔb a vanaa-tɛɛngaa-diom Hala-a kpow o Masale Hala len nin, mà viow niaa o dio-o pɛɛn.

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Luke 8:53

Má muungu ndu mamɔɔ, kani a va sinaa maa cuaambɔɔ vi.

Nahum 1:10

Yaamɔaa niaa vueinun bɛɛ maa bɔɔla n'yɔ, mɛ̀ɛ́-mɛ̀ɛ́ nda pum mɔiyan, a co ŋɔ mà cuulu mungén mɛɛ bil vesɛiyo ŋɔa nuaa yɛ.

Amɔs 8:10

I mangalanin kafola niaalan dɛnnda palaalan, mì mangala condun niaan caŋndan. I tosanin mì vannda kpow a yiwnun volɔɔla biisilan o caŋ, mì vannda kpow a sendin tembeltan. I tuisin lɛŋnden dɛnɛ palaa coo mì ɲɔɔ siŋnun maa biisi pole pilɛ. Kon kpow mɛɛlunnin maa paale sanga bɛndu.

Esai 28:7

Kɛ nda bɛɛ laasian a mɔiyan kolɔɔ, mɔima nɛyaa-nɛyan ma co nda hɔlla hiŋndo. Kpòkóó dɛnɛ! Vanaa-solia-lasálàá a vanaa-tɛɛngaa-diom Hala-a co siɛɛliaa a mɔima kálà-kálàn o lahɔl tuŋ. Mɔiyan ma cii nda sɔɔsiaa kpede, mɔima nɛyaa-nɛyan ma cii nda mingi talaka-talaka. A co laasianndo o vunduan cɔu nin, a co kuuviaa o yaman kiolɔɔ nin.

Esai 9:20

Cuavaa-imamaa Manase-a co a Efraim-nda tɛɛmbuuo, a Efraim-nda co a Manase-a tɛɛmbuuo. Nda kpede a liiman vɛlɛ le kɔlan Yudaa delɔɔ coo. Kɛ a kon kpede, kɔltuw Mɛlɛka-o ɲulul-lɔ le, ba ndɔɔ co vɔ o heelaa tuŋ.

Esai 8:21

A vanin a laasiannda o lɛŋnden nin, sanga bɛndoo a yiaan ma toalnin nda coo, nduyɛ te yiaan ma nɛi pɛ nda, a tuulu kɔl. A diminin sɔɔn vɔɔnndon a masa ndaa a á Hala ndaa, a heelunin hɔlla o halataala.

Vana Kɔlkaloo 7:6

Mamɔɔ diɔm sondo vesɛiyo co mɛɛ yɔmii pum piɔndi o kpɛɛnɛi bɛngu nuaa yɛ. Kon vɛlɛ bɛɛ, sanga fondoo fúú.

Vana Kɔlkaloo 7:3

Mɔnɛi co fisa a mamɔɔ. Kani i tosa mì vana yii hɔlla, kɛ ken co fisa le kɔllo ni.

Vana Kɔlkaloo 2:2

Mamɔɔ ho bɛɛ diɔmnde fúú o co ni. Yɛɛ ɲaaloo ndu ke yɛ vana?

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Condii lisai 49:19

Hali o va bɛɛ kulanndo telen o co yoomu-o, mì vannda va ndu candɔɔ le ceen ndɔ kɛndɔɔ,

1Samiɛl 2:5

Vanaa va a pumaa-a co vallo nuwviaa le ɲɛdiaa sɔlaa, kɛ vanaa va a yiaan-nda, nda buulan ndɛ le vali le. Vanalanɔ vilu loo ndu velu cuawva nda ŋɔmmɛw, kɛ o nɔ cuawva taw-vo co lɛ violɔɔ le.

Luke 6:24

Kɛ dangaa co le niaa vanaa bolofaa, kani la cii nin dɛnɛ kɛndɛ niaa sɔla!

Luke 6:26

Dangaa co le niaa, te vannda kpow a va pɛ sɔɔn nian kɛndɔn dimio, kani lende fuɲaa ndaa mamaa va dimio a vanaa-tɛɛngaa-diom Hala-a lacòòvaa ni.»