Luke 6:17 - BII BILA

¹⁷ Mí Yeesu toal pembei a kaandeŋaa ndɔa, mó sim o dɛngbɔɔ nin. A va sɛ́lɔ́ɔ́ taw, vanaa celen va vɛlɛ lon sɛ́lɔ́ɔ́ fulaa Yuda, Yerusalɛm, a vanaa fula Tir a Sidɔn o mɛmma bɛnduan kɔngɔ-a.

Luke 6:17 Referans Kwoze

Matie 11:21

«Dɛnɛ palaa co le nɔm, nɔm Korasin! Dɛnɛ palaa co le nɔm, nɔm Bɛtsaida! Kani te dɛnnda kaamaala tosan o niaa lo lan láà tosan pɛ Tir a Sidɔn, maa o co lɛhau le ndáà vownun nin volɔɔla biisilan, mì ndáà deli o loolio nin, mì ndáà mangalan te.

Luke 6:12

O telen kon, mí Yeesu kɔa o pembei coo le piɛilen, mó lɔl Hala piɛiyo pii.

Luke 5:15

Kɛ mí tɔ́ɔ́ ndɔɔ cɔɔlu sɛŋin, mí vannda cuungian sɛ́lɔ́ɔ́ le ndu nilan yaŋɔɔ a le nda singio a naala ndalan.

Matie 15:21

Mí Yeesu faŋan ndon, mó kɔa o lɛŋnde Tir a Sidɔn nden nin.

Matie 14:14

Ndóò fulaa o dɛ̀ndɔ̀ɔ́ nin, mó ca vannda sɛ́lɛ́ bɛndoo, mí ɲííye bii ndu a nda, mó singi namtaa va lon-nda.

Matie 12:15

Kɛ Yeesu tueyɔɔ lende, mó faŋan ndon. Mí sɛ́lɛ́ bɛndoo del ndu kɔɔli, mó singi vanaa lanàá kpow,

Condii lisai 103:3

Ndu mal-la haki le hakila nilan kpow ni, mó singi nààla nilan kpede.

Matie 5:1

Yeesu cɔu sɛ́lɛ́ bɛndoo, mó hel o pembei coo, mó cal. Mí kaandeŋaa ndɔa sɔɔnguu ndu ikɛi.

Luke 6:16

Yuda po Nsaki-o a Yuda Iskariɔt, o mal Yeesu vannda o ba-o.

Luke 6:18

Ndáà hin le ndu nilan yaŋɔɔ a le sioŋɔɔ sɔlaa a nààla ndalan. Mó singi vɛlɛ vanaa ɲina vɔɔndo va kɔɔli-a.