Luke 5:22 - BII BILA

²² Yeesu sinaa yiyannda ndalan, mó cua sɔɛi, mó ɲuna nda aa: «Le yɛɛ niaa co yɛ yiyanndo o kɔlta niaalan nin lende?

Luke 5:22 Referans Kwoze

Luke 24:38

Kɛ mí Yeesu ɲuna nda aa: «Le yɛɛ niaa co yɛ buulanndo? Le yɛɛ niaa co yɛ sikaa o kɔlta niaalan nin?

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Marke 8:17

Mí Yeesu bii bila, mó ɲuna nda aa: «Le yɛɛ niaa co yɛ yiyanndo maa le tùú niaa nɔ bulu o ba loo ni? Vɛ̀ɛ̀ la bii-yɔ sɔɛi nii bila mì la sina ndi le?

Matie 12:25

Kɛ Yeesu ndóò sina yiyannda ndalan, mó dimul nda aa: «Lemasa oo lemasa le piɔvan pɛ, le tambu. Kobi oo kobi, te kon te cɛi oo cɛi piɔvan pɛ, ndu nɔ lɛ mayoomu le.

Matie 9:4

Yeesu ndóò sina nin yiyan ndaa, mó ɲuna nda aa: «Le yɛɛ niaa nɔ yɛ yiyannda vɔɔnndan o lakɔl?

Esai 66:18

Kani ya, i sina dɛnnda ndalan a yiyannda ndalan. Telenndo tiiya le vanaa-mangalaa-isɔɔa a vannda súúlan kpede cuungiaa. A hunnin nanu mà ce biilu nuu.

Condii lisai 139:2

A sinà telen ya cal-lo, a sinà vɛlɛ telen ya can-ndo, a lo levil pɔɔli, mà sinà yiyan nuu.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Hebreea 4:12

Sɔɛi Hala-e co ikiyɛi, i nɔ kpaayaa. I hiow mɔɛi sondola tiɔn kɛ́-kɛ̀ luɛyɔɔ. Sɔɛi Hala-e tiwba mi i luɛi naa nin di, mì i tiiya naa o kɔllo nin, mì i tiiya o boondon, mì i luɛi o yooyooan nin di. Mì i sina tuulan a yiyannda co o kɔl vanacieo nin-ndan.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

Esekiɛl 38:10

Nuaa Maalii, o co Mɛlɛka-o dimi ni aa: «Paale len, yiyannda vɔɔnndan la luɛinin nɔm o kɔl, mà tuu le dɛnɛ vɔɔndo tosaa.

Talelan 15:26

Tuula vɔɔnndan la nɛinun Mɛlɛka, kɛ sɔɔn sondon kɛndɔn co n'diandaa ni.

Matie 12:15

Kɛ Yeesu tueyɔɔ lende, mó faŋan ndon. Mí sɛ́lɛ́ bɛndoo del ndu kɔɔli, mó singi vanaa lanàá kpow,

Luke 5:21

Mí vanaa pɛɛkaa latɔŋnda a Faliisia a kandu yiyanndo aa: «Vana súú yɛɛ co yɛ ho sɔɔn tanan dimio a Hala o kɔɔ? Ɔ́ɔ̀ vana tiwba mò mal vana haki-o, te o co Hala ndu pilɛ kpé le?»

Luke 5:23

Ɔ́ɔ̀ o hiow va bɛɛn-bɛɛn-ndo? Vana falun vílɛ́iyo dimullo aa: ‹Hakila nɔmndan la malnun haki› baa ndu dimullo aa: ‹Cɔn, cua ɲɛ nɔm hinia mà kɔɛ›?