Luke 4:35 - BII BILA

³⁵ Mí Yeesu deŋul ɲina vɔɔn kon aa: «Mei ma fula langbanɔɔ ho nin!» Mí ɲina vɔɔn kalaa mal langbanɔ kon lɛŋ vannda kpow o hɔl, mó faŋan ndu kɔɔli, o yɔŋ ndu ɲɛ-ɲɛ le.

Luke 4:35 Referans Kwoze

Luke 4:41

Mí ɲinaa vɔɔnda bɛɛ va fulaa vanaa siama nin, ma va deŋio aa: «Po Hala-o n co ni!» O kon, mí Yeesu kpaa nda, o cɛl mà soo le, kani má sina maa Krista o co ni.

Luke 4:39

Mó tundun ndu coo, mó kpaa dialun tuwvun mun, mí n faŋan ndu. Fɔ́ɔ́fɔ̀, mì vuɛɛn kalaa can, mó ke nda ɲɛdiaa.

Matie 8:26

Mó dimul nda aa: «Le yɛɛ niaa co yɛ a siòònde? Laalan niaa dɔɔnan dɛ!» O kon, mó can, mó kpaa hoeiye a mɛnndan, mí ɲɔɔ mei o lepilɔɔ doŋ.

Dɛnnda cɔɔmuanndan 12:12

Lelan, la dɔwnun ɲaale, nɔm halataalaa a niaa vanaa co lon-nda! Dɛnɛ palaa co le lɛŋnden a le mɛmma ihɛllan! Kani masa ɲinaa vɔɔnda tol o niaa lo a yolɛi, o sínà nin maa telen ndɔɔ co lɛ o bɔɔ le.»

Luke 11:22

Kɛ te vana hiow ndu dialun kalan-ndo hinul ndu pɛ, mò nɔla ndu, o poondiaa ndu ɲɛm cɔvun o tiindan mun-ndon o ba. O kon kɔɔli, o piɔw mun vanaa celen tɛɛn.

Luke 9:42

Telen poombɔɔ va Yeesu sɔɔnguuo ikɛi-yo, mí ɲina vɔɔndo mal ndu lɛŋ, mó yusuŋia ndu falon taw. Kɛ mí Yeesu deŋul ɲina kon, mó singi poombɔɔ, mó mingi ndu fuɲa ndɔ o ba.

Luke 9:39

Ɲina vɔɔndo bii ndu pɛ, o yonda kpélén, o yusuŋia ndu falon taw-taw, landilandio fula ndu o sondo. O co ndu bɔɔ saangiaa, o yala ndu faŋan kɔɔli le.

Luke 8:24

Má kɔa Yeesu ikɛi, má tindi ndu a yondaa aa: «Vana bɛndoo, vana bɛndoo, cuuo naa n co nuaa ni!» Mí Yeesu can, mó kpaa hoeiye a mɛmma va iyongban-yongbannde-an, mí ma cal. Mí ɲɔɔ mei kpili.

Marke 9:26

O kon mí ɲina kon mɛli yeelan, mó yɔliyɔli poombɔɔ, mó fula. Mí poombɔɔ muungu maa vana vílɛ́i. Mí vannda taw a va bɛɛ dimio maa o vi.

Marke 1:26

Mí ɲina vɔɔn kon hiiluu langbanɔɔ taw-taw, mó yonda coocoo kpélén o fula o va-o!

Matie 17:18

Mí Yeesu soaa ɲina vɔɔn kon, mó fula poombɔ kalaa nin, mí poombɔɔ siangun bɛɛ o foofo kon.

Sakari 3:2

Mí mɛlɛkanɔ Hala-o dimul Setana aa: ‹Màá Mɛlɛka kinda nɔm sondoo, nɔm Setana! Màá Mɛlɛka kuuna nɔm sɔɛi! Ndu Mɛlɛka pila hɛli Yerusalɛm ni. Vɛ̀ɛ̀ o co maa kili nda soli o yin-ndo le langbanɔɔ ho co le?›

Condii lisai 50:16

Kɛ nuaa Hala dimul vanaa kɔlvesɛiya ni aa: ‹Le yɛɛ niaa co yɛ tɔŋnda nilan dimio a lebol, mì la va sɔɛi o ciɛ́ɔn niaa cua o ya lo-on coo?

Marke 4:39

Ndóò tiondɔɔ, mó soaa o hoeiye lo a kpaayaa, mó dimul mɛnndan aa: «Mei! I tuɛi lɛhau le dɛ!» Mí hoeiye pɛngi hɔŋndo, mí ɲɔɔ mei kpili.

Luke 4:23

Mí Yeesu dimul nda aa: «A toɲa, la dimulnin ya taloo ho aa: ‹Nɔm vana singiaa, nɔm pila singin-ndɔ.› Mì la dimi vɛlɛ aa: ‹N tuei dɛnnda n tosa Kapɛrnaiim-ndan kpede tɔ́ɔ́, tosa vɛlɛ dɛnnda pilɛla lan o lɛŋnde nɔmnden nin nanu.›»