Biblia Todo Logo
Bib sou entènèt

- Piblisite -




Luke 4:25 - BII BILA

25 I co niaa toɲaa dimul, vanlaandua piandaa ndaa vi-a a va taw o lɛŋnde Israɛl-ten nin o palɛi Elii-e bɛngu, telen halataalaa kindan o vɔsilan tan yáá a paangon mún ŋɔmpum, mí yima fofolan ma luɛi o lɛŋnden kpow nin-ndo pɛɛn.

Gade chapit la Kopi




Luke 4:25
12 Referans Kwoze  

Elii vanacieo o va maa naa ni, mó lamban piɛiyo maa piɔɔ sia le. O kon vɔsilan tan yáá a paangon mún ŋɔmpum, piɔɔ se o lɛŋnden coo le.


Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»


Mò va maa i nɔ dí le ɲɛ ya yeema-o tosaa a ɲɛm nun te? Bàà te i tosa pɛ dɛnɛ kɛndɔɔ, ken luei nɔm paŋalaa o kɔl?›


Mɛlɛka dimi aa: «Yiyannda nilan la co ɲɛ pilɛ a yiyannda niaalan te, nɛila niaalan la co ɲɛ pilɛ a nɛila nilan te.


O telen kon, mí Yeesu dɔawnun ɲaale a kpaaya Kɔl-Diandaa, mó dimi aa: «I mel nɔm balika, Pua, Mɛlɛka co o halataala a o lɛŋnden coo-o, kani a vin vanaa kɔlkalua a vanaa sinaa dɛnɛa dɛnndan ndan, má cɔm cuaambɔa. Lende i co ni Pua, hɛnan nɔmndo n tosa nuaa ni.


O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.


O cɔm naa sɔɛi vianaŋii ndóò yeema le tosaa-e, sɔɛi vianaŋii kɛndɛ-kɛndɛ ndóò tuu le tosaa o Krista nin-nde.


Kɛ nɛ̀ɛ́-nɛ̀ nɔm co yɛ, le simndan sɛɛngianndo niaa Hala? Kpɛɛnɛi puului nda cɔw-ve i ɲuna pá vana cɔw ndi-o aa: «Le yɛɛ nɛ n cɔw yɛ ya nuaa?»


Kani mó dimul Moise aa: «Vana ya ce pɛ ɲia, i ce ndu ɲia, vana ya tuinun pɛ iɲíí, i tuinun ndu iɲíí.»


A nɔ kpaaya nda kinda halataalaa, haliko piɔɔ sia o palɛi nda co va diom Hala-o tɛɛnguo-e bɛngu loo. A nɔ vɛlɛ o nda mangala mɛnndan koovan, mà tuisi dɛnnda palaala súú-súù ka o lɛŋnden coo telen nda yeema-o-o.


Swiv nou:

Piblisite


Piblisite