Luke 4:2 - BII BILA

² Mí masa ɲinaa vɔɔnda dɛɛniaa ndu palɛi belehiɔɔlu. O di ɲɛ-ɲɛ o palɛi ken bɛngu le, o kon kɔɔli, mí yiaan ma nɛi ndu.

Luke 4:2 Referans Kwoze

1Masaa 19:8

Mí Elii can, mó dia ɲɛdiaa, mó kol. Mí ɲɛdiaa kon luei ndu yoomuan, mó kɔa palɛi belehiɔɔlu a malɔ belehiɔɔlu, mó lo kɔlan háá mó tiiyaa o pembii Hala-e, pembei Horɛb pɛɛn.

Fulaa 34:28

Mí Moise lo Mɛlɛka ikɛi o pembei coo lon háá palɛi belehiɔɔlu a malɔ belehiɔɔlu. O palɛi ken bɛngu, o di ɲɛdiaa le, o kol vɛlɛ le. Mí Mɛlɛka sɛva sɔɔn kpeman o powta yɛ́ndɛ́la Moise hel o ba lan coo, tɔŋnda tɔ́lan pɛɛn.

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Hebreea 2:18

A toɲa, Yeesu pila sanga taw, mó sɔla dɛɛniaa. Lelan o tiwba mo mala vanaa co o dɛɛniaa nin-nda.

Tɔŋ miingua 9:9

Lɔ́ɔ́ ya hel o pembei coo le powta yɛ́ndɛ́la kpema Mɛlɛka yii a naa-o va o sɛvaa coo lan biyɔɔ-o, mí lo lon háá palɛi belehiɔɔlu a malɔ belehiɔɔlu, i ve ɲɛdiaa dio le, i ve vɛlɛ mamɛn kolɔɔ le.

Nsaŋ 4:6

Lon soon-kólaa Yakɔb-o va ni. Yeesu sangaa a kɔlan, mó kɔ cal o soon-kólaa kon ikɛi. Paalen le va nin le tiiyaa o pol.

Tɔŋ miingua 9:18

«O kon kɔɔli, mí del vɛlɛ Mɛlɛka o labɛngunin, mí tosa vɛlɛ palɛi belehiɔɔlu a malɔ belehiɔɔlu maa o tasendɔ, i ve ɲɛdiaa dio le, i ve mamɛn kolɔɔ le. Le haki bɛndu niaa tosa kon-ndo yáà tosa lende ni, kani mí la tosa dɛnɛ hɛnan Mɛlɛka loo, mí la tuulu ndu kɔl.

Matie 21:18

Idiiyo púŋ, telen o va muungoo o kobio nin-ndo, mí yiaan ma va ndu nɛiyo.

Matie 4:2

Mí Yeesu cii palɛi belehiɔɔlu a ɲumndan belehiɔɔlu o sumndo nin. O kon mí yiaan ma nɛi ndu.

Yonas 3:7

O kon kɔɔli, mó handu tɔŋndo le Ninive aa: «Masaa nda vanaa bɛndua co ndu o ba bɛngu-a, nda kpow a cii cɛlan maa vanndacieea a cɔlua, vana-vana dia ɲɛ-ɲɛ le, vana-vana kol vɛlɛ le.

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

1Samiɛl 17:16

Háá palɛi belehiɔɔlu, Koliat Filistinɔ va kɔlan yongaa sɔɛi paalen a ɲumndan.

Tɔŋ miingua 9:25

Le hee ya del Mɛlɛka o labɛngunin ni, mí tosa palɛi belehiɔɔlu a malɔ belehiɔɔlu, kani o va sɔɛi le niaa diwvo kpow.

Fulaa 24:18

O kon, mí Moise luɛi o kumii ken nin, mó hel háá o pembei tullo. Mó tosa palɛi belehiɔɔlu a malɔ belehiɔɔlu o pembii ken coo.

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Luke 4:3

O kon mí masa ɲinaa vɔɔnda dimul ndu aa: «Te Po Hala-o n co ni, dimul powvo ho mò siŋnun buloo.»