Luke 4:1 - BII BILA

¹ Yeesu va o piaa a Kɔl-Diandaa, telen o va muungoo fulaa Yurdɛn-ndo, mí Kɔl Hala-o yaa ndu o lɛŋnde veselɛilen nin.

Luke 4:1 Referans Kwoze

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Nsaŋ 3:34

kani sɔɔn Hala-on vana Hala vem-ndo dimi ni, kani taw-taw Hala yɔngu Kɔl-Diandaa ni.

Nsaŋ 1:32

Mí Nsaŋ timbi seile len aa: «I ce Kɔl Hala-o fulaa o halataala, mó toal, mó cal ndu coo maa kangbo.

Matie 3:16

Yeesu sɔlaa yinɔɔ, mó fula o mɛnndan nin. Fɔ́ɔ́fɔ̀, mí halataalaa kumbin, mó ca Kɔl Hala-o tolɔɔ maa kangbo, mó cal ndu coo.

Esekiɛl 3:14

Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.

Luke 4:14

Mí Yeesu muungu Kalile a kpaaya Hala Kɔl-Diandaa. Mí tɔ́ɔ́ ndɔɔ sɛŋin o lɛŋnde len nin kpow.

Dɛnnda kiilaa 8:39

Ndáà fulaa o peelo, mí Kɔl-Hala-o cua Filipe o lepilɔɔ kpé, langbanɔɔ ci lɛ ndu le. Kɛ mó hiaw laci, mó va kɔlan a kɔlkɛndɔɔ.

1Masaa 19:4

mí ndu pila niinu kɔlan kpɛŋ o lɛŋnde veselɛilen nin, mó kɔ cal o yɔmndo pum bɛngu, mó yeema piɔ́mndo, mó dimi aa: «Hee ndi hiow bɔɔ ba, Mɛlɛka! Lelan cua yoomu nuu, kani i co fisa a fuɲaa nia le.»

Dɛnnda kiilaa 1:2

kɔlan háá paale o hel o halataala len. Lɔ́ɔ́ o hun hel o halataala, mó yɔngu kiilaa ndɔa o hɛli-a silalan o kpaaya Hala Kɔl-Diandaa bɛngu.

Luke 2:27

Mí Kɔl-Diandaa va ndu kon coo-o ke ndu yiyanndo, mó kɔa o Cɛi-Hala-o nin. Vanaa Yeesu-a hunɔɔ a ndu Yeesu le tosaa a ndu mɛɛ o va o sɛvaa o tɔŋndo nin yɛ,

Luke 3:3

Mí Nsaŋ kei o tàndáà Yurdɛn nin kpow, mó dimul vannda aa: «La mangala kela niaa, mì la sɔla yinɔɔ, o kon mì hakila niaalan la malnun haki.»

1Masaa 18:12

Nduyɛ, te i faŋan pɛ dɔ́ɔ́ nɔm ikɛi, kɔl Mɛlɛka-o co nɔm koma cua, mò yɛɛ nɔm nɛɛ ya sina le-a. Akab hin pɛ mò ci nɔm te, vɛ̀ɛ̀ diyɔɔ le o diinin ya le? Nduyɛ, kabi i va vɔ felengi, mí ke Mɛlɛka bɛɛlen.

Luke 3:38

po Enɔs-o, Enɔs po Sɛt-o, Sɛt po Adam-ndo, Adam po Hala cɔw-vo pɛɛn.